Նորմալ երևույթ չի կապիկին սենց փոքր վանդակում պահելը․ քաղաքացին ահազանգում է (ֆոտո)
ՀասարակությունԿիթառահար Կարապետ Բուռնազյանը ֆեյսբուքյան իր էջում երեկ ահազանգել էր, որ Նոր Նորքի 2-րդ զանգվածի «Ծիպոյի թաթիկներ» կոչվող խանութում փոքր վանդակում մոտ 750 000 դրամով վաճառում են կապիկ:
«Նորմալ երևույթ չի կապիկին սենց փոքր վանդակում կամ բնակարանում պահելը, վաճառելու մասին էլ չեմ խոսում...»,- գրել էր նա։
NEWS.am-ի հետ զրույցում «Ծիպոյի թաթիկներ» խանութի աշխատակիցը, որը չցանկացավ ներկայանալ, հրաժարվեց որևէ տեղեկություն տրամադրել։
«Գիտեմ ինչ թեմայով եք զանգահարել, ոչ մի հարցով չեմ կարող օգնել»,- ասաց նա, հավելելով, որ մեզ չէ, որ պետք է տեղեկություն տրամադրեն։
«Համապատասխան մարմինները զբաղվում են այդ հարցով»,- նշեց խանութի աշխատակիցն ու անջատեց հեռախոսը։
Հավելենք, որ Բնապահպանության և ընդերքի տեսչական մարմինը քիչ առաջ հայտարարություն է տարածել, որ տեսնչական մարմնի կենդանական աշխարհի վերահսկողության բաժնի աշխատակիցները Ֆեյսբուք սոցիալական ցանցում տարածված վանդակում պահվող կապիկի վերաբերյալ գրառման հետքերով անմիջապես այցելել են Երևան քաղաքի Նոր Նորք վարչական շրջանի 2-րդ զանգվածում գտնվող կենդանաբանական խանութ («Ծիպոի թաթիկներ»), տեղում իրականացրել ուսումնասիրություն և տվել ցուցում՝ կապիկին ավելի մեծ ազատավանդակ տեղափոխելու մասին, ինչն անմիջապես կատարվել է։
1
2
3
4
5
1
2
3
4
5
1
2
5
