Մասիվցի Անդիկի ու բոքսի չեմպիոն Աշոտ Բոլյանի սպանությունները․ աղմկող վենդետաների հետքերով
TVԱյսօր մեկնարկել է նախորդ տարվա հուլիսին «օրենքով գող» Անդրանիկ Հարությունյանի՝ «Մասիվցի Անդիկի» սպանությանն օժանդակելու համար մեղադրվող Արմեն Ղարիբյանի գործով դատական նիստը։
Ըստ մեղադրական եզրակացության՝ Արմեն Ղարիբյանը տեղեկատվություն տրամադրելով եւ առանձնապես ծանր հանցագործությունը պարտակելու վերաբերյալ նախապես խոստում տալով, օժանդակել է Սուլեյման Այուբովի Միիեւին, վերջինիս կողմից պատվերով մեկ ուրիշի ապօրինաբար կյանքից զրկելու դիտավորությամբ 2019թ. հուլիսի 3-ին` ժամը 23:00-ի սահմաններում, Երեւան քաղաքի Նոր Նորքի 5-րդ զանգվածի Միկոյան փողոցի թիվ 17 շենքի բակում գործով չպարզված հանգամանքներում ապօրինի ձեռք բերված հրազենի` ատրճանակի գործադրմամբ Անդրանիկի Հրաչի Հարությունյանին սպանելուն:
Ավելի ուշ այլ վարկածներ առաջ քաշվեցին։
Ամենաքննարկվողը դրանցից այն էր, որ օրենքով գող Մասիվցի Անդիկի սպանության պատվիրատուն եղել է Մոսկվայում սպանվել է թաիլանդական բոքսի եռակի չեմպիոն Աշոտ Բոլյանը, իսկ նրա սպանությունը վենդետա է։
1
2
3
4
5
1
2
3
4
5
2
3
