Հայաստանում ցանկացած պատվաստում կատարվում է կամավոր հիմքով
Հասարակություն
Խոսակցություններ կային այն մասին, որ երեկ՝ սեպտեմբերի 4-ին, ՀՀ Ազգային ժողովում Պետաիրավական հարցերի մշտական խորհրդարանական հանձնաժողովի նիստին «Հայաստանի Հանրապետության բնակչության սանիտարահամաճարակային անվտանգության ապահովման մասին» և հարակից օրենքներում փոփոխություններ և լրացումներ կատարելու մասին օրենքի նախագծերի քննարկումն էր, որի կետերից մեկը ազգաբնակչությանը պարտադիր պատվաստելն էր COVID-19-ի համավարակը կանխելու նպատակով, և պատվաստումները լինելու են պարտադիր, ընդհուպ՝ դատական կարգով։
Այս թեմայի շուրջ Pressmedia.am կայքի լրագրողը զրուցել է բժիշկ Վահե Տեր-Մինասյանի հետ` հասկանալու համար, թե արդյո՞ք, բժշկական տեսանկյունից պարտադիր անհրաժեշտություն է տվյալ պատվաստումը։ Հարցին ի պատասխան Վահե Տեր-Մինասյանը ասել է․
«Այդպիսի բան չի եղել, խոսքը վերաբերել է միայն նրան, թե ինչպես պետք է լինի պատվաստումները, և նշվել է, որ պատվաստումները պետք է լինեն կամավոր կերպով, այնպես, ինչպես հիմա է։ Հայաստանում հաճախ ենք լսում պարտադիր պատվաստումներ տերմինը, բայց այդ պարտադիրը չի նշանակում, որ ինչ որ մեկին պարտադրում են, դրանով պարզապես հորդորում են ծնողներին, ասում ես, որ ցանկալի է այդ պատվաստումը երեխայի համար, բայց չես ստիպում, որ պատվաստվի։ Այս տերմինը մի փոքր սխալ է ընկալվում հասարակության կողմից, քանի որ ոչ մեկին ստիպելով չեն տանում պատվաստելու։ Կա այնպիսի վարկած, որ, օրինակ, եթե երեխային անհրաժեշտ պատվաստումից հրաժարվի ծնողը, այդ երեխային կարող է դպրոց կամ մանկապարտեզ չթողնեն, բայց ոչ-ոք չի կարող չթողնել։ Հայաստանում չկա նման բան, եթե դուք չեք ուզում պատվաստվել` որևէ սահմանափակում չի կարող լինել ձեր կամ ձեր երեխայի հանդեպ։ Հայաստանում ցանկացած պատվաստում կատարվում է կամավոր հիմքով և կարծում եմ, որ մոտակա մի քանի տարին էլ հաստատ կմնա կամավոր հիմունքներով»։
Աննա Արսենյան
1
2
3
4
5
2
3
4
5
1
2
3
4
5
