Սպասվում են համաշխարհային տնտեսության նոր մարտահրավերներ

Բիզնես-փորձագետները կանխատեսում են, որ մինչև տարեվերջ երկրները կարող են բախվել նոր տնտեսական մարտահրավերների: Այս մասին գրել է Bloomberg-ը:

«Մենք դիտարկում ենք պիկային ետընթաց: Այս պահից սկսած թափը մի փոքր մարում է»,- ասել է «Pacific Investment Management»-ի համաշխարհային տնտեսության խորհրդատու Յոախիմ Ֆելսը:

Գործակալությունը նշել է, որ համավարակի պայմաններում կառավարությունն արդեն տրիլիոնավոր դոլարներ է ներդրել աջակցության միջոցառումների համար: Դրա շնորհիվ օգոստոսին ԱՄՆ-ում գործազրկության մակարդակը կտրուկ նվազել է, իրավիճակը բարելավվել է բնակարանային շուկայում, վերականգնվում է Չինաստանի տնտեսությունը, իսկ Գերմանիայում աճում է արտադրողականությունը: Բացի դրանից, զարգացող շուկաները դոլարի փոխարժեքի անկման հետևանքով «կարճատև դադար» են ստացել:

Այնուամենայնիվ, փորձագետները գտնում են, որ հեշտ չի լինի պահպանել դիրքերը:

«Իշխանությունները պետք է տնտեսության խթանման համար ջանքերն ակտիվացնեն այն ժամանակ, երբ նրանցից շատերն արդեն պատրաստ կլինեն դադարեցնել աջակցության միջոցառումները, որոնք ներմուծվել են՝ կապված համավարակի հետ»,- նշել են փորձագետները:

Այսպիսով, մի շարք խոշոր ընկերություններ հայտարարել են գալիք կրճատումների մասին: Դրանց շարքում են ավտոարտադրող ընկերություն «Ford Motor Co»-ն և ավիաընկերություն «United Airlines Holdings Inc.»-ը:

Միևնույն ժամանակ, Չինաստանում սպառողները դժկամությամբ են գումար ծախսում, իսկ երկրի խոշորագույն բանկերը հաղորդել են ավելի քան մեկ տասնամյակի ընթացքում վատ պարտքերի աճի պատճառով՝ եկամուտի վատագույն անկման մասին:

Ավստրալիայի ազգային համալսարանի պրոֆեսոր Ուորրիկ Մակկիբբինի գնահատման համաձայն՝ մինչև 2025 թվականը կորոնավիրուսային համավարակը կարող է մոտ 35 տրիլիոն դոլարի չափով վնաս հասցնել համաշխարհային տնտեսությանը:

 «Նախքան տնտեսական կորուստներինվազման սկիզբը անհրաժեշտ է պատվաստել բնակչության զգալի մասին»,- նշել է Մակկիբբինը: Նա նաև զգուշացրել է, որ նույնիսկ եթե COVID-19-ի դեմ պատվաստանյութ ստեղծեն, այն ամբողջ աշխարհում հասանելի դարձնելու համարերկար ժամանակ կպահանջվի:

Տնտեսության ռիսկերի շարքում փորձագետները նշում են նաև ԱՄՆ-ի գալիք ընտրությունները:

«Այս շրջանում Միացյալ Նահանգների և Չինաստանի միջև հարաբերությունները կարող են լարվել: Դա կքայքայի բիզնեսի վստահությունը»,- նշել է Bloomberg-ը:

Ավելի վաղ Ֆրանսիայում կառավարությունը ներկայացրել է 100 մլրդ եվրոյով տնտեսության վերագործարկման նախագիծ:

Աննա Անդրեասյան

Pressmedia.am