Ցանկալի կլիներ, որ ԱԺ «Իմ քայլը» խմբակցության պատգամավորները ևս միանան այդ գործին. Շիրակ Բունիաթյան
Հասարակություն
ԱԺ «Լուսավոր Հայաստան» խմբակցության պատգամավոր Գևորգ Գորգիսյանն անդրադառնալով Ամուլսարի պահապանների հետ հանդիպման մասին «Լիդիան Արմենիայի» կողմից տարածած տեղեկատվությանը, նշել է, որ հնարավոր է իրենք ըննդեմ «Լիդիան Արմենիայի» դիմեն իրավական քայլերի: Պարգամավորը նաև կոչ էր արել բոլոր հայրենակիցներին Ջերմուկ գնալու ժամանակ կանգնեն և հարցնեն ակտիվիստների որպիսությունը, քանի որ նրանց ջանքերի շնորհիվ է, որ ՀՀ քաղաքացիները դեռ կարող են հանգստանալ Ջերմուկում, շնչել այնտեղի օդը։
Այս առիթով Pressmedia.am-ը զրուցեց նաև Ամուլսարի պահապաններից Շիրակ Բունիաթյանի հետ:
Ակտիվիստը մեզ տեղեկացրեց, որ վերջին միջադեպից հետո պահնորդները հանդարտվել են: Ինչ վերաբերում է պատգամավորների այցի մասին «Լիդիան Արմենիայի» տարածած հայտարարության դեմ «Լուսավոր Հայաստան»-ի կողմից հնարավոր իրավական քայլեր ձեռնարկելուն, ակտիվիստն ասաց.
«Եթե կա արարք, որին պետք է իրավական գնահատական տալ, ապա անկախ այն հանգամանքից, թե որ կուսակցության պատգամավորներն են, պետք է ընթացք տան: Ցանկալի կլիներ, որ ԱԺ «Իմ քայլը» խմբակցության պատգամավորները ևս միանան այդ գործին, քանի որ բոլորն էլ ՀՀ քաղաքացիներ են, բոլոր պատգամավորները ժողովրդի տված քվեի շնորհիվ են ընտրվել, ուստի, նորմալ է, որ պատգամավորները հետամուտ լինեն մարդու իրավուքնների պաշտպանության հարցին»:
Խոսելով «Լիդիան Արմենիայի» կողմից այս ընթացքում իրականացված քայլերի մասին, նա նշեց, որ շուրջ երկուսուկես տարի է ընկերությունը զբաղված է դատական գործեր հարուցելով, որոնցից մեկը նաև իրեն է առնչվում: Ուստի, այդ պայմաններում ընկերության հետ երկխոսելը ակտիվիստի կարծիքով անիմաստ է ու անտրամաբանական:
Անի Ոսկանյան
1
2
3
4
5
2
3
4
1
2
3
4
5
