Ռուսաստանն ապահովված է առաջիկա 3-4 տարվա զինամթերքի արտահանման պատվերով

Ռուսական զինամթերքի արտահանման պատվերների պորտֆելը գերազանցում է 51 մլրդ դոլարը: Այս մասին հայտարարել է պետական կորպորացիայի ղեկավար Սերգեյ Չեմեզովը` հուլիսի 28-ին ՌԴ նախագահի հետ հանդիպման ժամանակ: Հոդվածը վերցրել ենք ռուսական Inforos կայքից:

“Арсенал Отечества” ամսագրի գլխավոր խմբագիր Վիկտոր Մուրախովսկին հստակեցրել է.

- Վերջին մի քանի տարիների ընթացքում ռուսական զինամթերքի արտահանման պատվերի թիվը կազմում է մոտավորապես 50-55 մլրդ դոլար: Եվ դա նշանակում է, որ գալիք 3-4 տարիների համար ռուսական տարբեր զինատեսակների մատակարարման կայուն պայմանագրեր կան: Ուզում եմ նաև նշել, որ ռուսական զենքի ամենամյա արտահանումը տարեկան կազմում է 15 մլրդ դոլար: Սա նշանակում է, որ կա հաստատունության պաշար, և արդյունաբերությունը հանգիստ կարող է աշխատել արտահանման համար: Իսկ եթե այս ցուցանիշը համեմատենք այլ երկրների արտահանման հետ, ապա Ռուսաստանը զենքի արտահանումով ԱՄՆ-ից հետո կայունորեն զբաղեցում է երկրորդ տեղը:

Փորձագետի կարծիքով, ռուսական զենքի այսպիսի բարձր պահանջարկը կապված է առաջին հերթին նրա բարձր որակի հետ: «Ըստ ծախսարդյունավետության չափանիշի՝ ես չեմ կարող այլ երկրների զինատեսակների համեմատելի օրինակներ նշել», - ասել է նա: Փորձագետը գտնում է, որ ռուսական և օտարերկրյա զեինամթերքը հնարավոր չէ համեմատել նաև ըստ հակաօդային պաշտպանության համակարգերի, ավիացիոն տեխնոլոգիաների, զրահապատ, հրետանային և հրթիռային զենքերի, ինչպես նաև ըստ փոքր զենքերի:Վերջերս աճում են նաև ռադիոէլեկտրոնային պայքարի մասնաբաժինն ու միջոցները, ինչը նույնպես արդար է, քանի որ այդ ուղղությամբ ևս Ռուսաստանը գտնվում է առաջատար դիրքերում: Ռուսական զենքի մեծ պահանջարկի երկրորդ բաղադրիչը ՌԴ-ի կողմից սեփական պարտավորություններին հետևելն է, ինչը չի կարելի ասել այլ երկրների, օրինակ՝ ԱՄՆ-ի, Ֆրանսիայի կամ Գերմանիայի մասին: Ռուսաստանը կատարում է իր պարտավորություններն՝ անկախ աշխարհաքաղաքական հանգամանքներից:

Արմինե Սարիբեկյան

 Pressmedia.am