Պուտինը գերազանցել է Թրամփին՝ զարգացած երկրների բնակչության վստահության վարկանշային ցանկում ավելի բարձր դիրք զբաղեցնելով

Սոցիոլոգները պարզել են, որ աշխարհի 13 զարգացած երկրների բնակիչները Ռուսաստանի նախագահ Վլադիմիր Պուտինին ավելի շատ են վստահում, քան ԱՄՆ-ի նախագահ Դոնալդ Թրամփին: Այս մասին վկայում են անկախ հետազոտական կենտրոն Pew Research-ի հարցման արդյունքները: Միխայիլ Յուշկովի հոդվածը վերցրել ենք ռուսական RBC կայքից:

Հետազոտությունն անցկացվել է Մեծ Բրիտանիայում, Ֆրանսիայում, Գերմանիայում, Կանադայում, Բելգիայում, Նիդերլանդներում, Իտալիայում, Իսպանիայում, Շվեյցարիայում, Դանիայում, Ճապոնիայում, Հարավային Կորեայում և Ավստրալիայում: Հարցման մասնակիցներին հարցրել են 6 համաշխարհային առաջնորդների՝ Ֆրանսիայի նախագահ Էմանուել Մակրոնի, ՌԴ նախագահ Վլադիմիր Պուտինի, ԱՄՆ նախագահ Դոնալդ Թրամփի, Գերմանիայի կանցլեր Անգելա Մերկելի, Մեծ Բրիտանիայի վարչապետ Բորիս Ջոնսոնի ևՉինաստանի նախագահ Սի Ցզինպինի նկատմամբ վստահության մասին:

Սոցիոլոգները պարզել են, որ նշված երկրների բնակիչներն (76%) ամենից շատ վստահում են Անգելա Մերկելին: 2-րդ տեղում հայտնվել է Էմանուել Մակրոնը (64%): Իսկ վստահության առումով 3-րդ տեղը զբաղեցրել է ԲորիսՋոնսոնը (48%):

Միջազգային գործերին վերաբերող հարցում Վլադիմիր Պուտինի նվստահում է հարցվածների 23%-ը, Սի Ցզինպինին՝ 19%-ը, իսկ ամենա քիչը վստահում են Թրամփին՝ 16%:

Պուտինի հանդեպ մեծ վստահություն են արտահայտել Իտալիայի (37%) ևԳերմանիայի (31%) բնակիչները: Թրամփին ամենաշատը վստահում են Ճապոնիայի բնակիչները (25%):

«Դոնալդ Թրամփի՝ նախագահի պաշտոնը զբաղեցնելուց ի վեր ԱՄՆ-ի իմիջն աշխարհի շատ շրջաններում վատացել է: «Վերջին տարում վարկանշի անկումը մասամբ կախված է համաճարակի դեմ ԱՄՆ-ի պայքարի ձևի հետ», - նշել են հետազոտողները:

Հարցման համաձայն՝ Մեծ Բրիտանիայում, որը համարվում է Ամերիկայի ավանդական դաշնակիցը, վերջին 20 տարվա ընթացքում ԱՄՆ-ի նկատմամբ վստահությունը նվազել է ավելի քան 40%-ով: Այսպիսով, եթե 2000 թվականին ԱՄՆ-ի նկատմամբ դրական է վերաբերվել բրիտանացիների 83%-ը, ապա այսօր ցուցանիշը կազմումէ 41%: Ֆրանսիայում ԱՄՆ-ի նկատմամբ վստահությունը 62%-ից իջելէ 31%-ի, Գերմանիայում՝ 78%-ից՝ 26%-ի, Ճապոնիայում՝ 77%-ից հասել է 35%-ի: Ամենամեծ վստահությունն ԱՄՆ-ի նկատմամբ ցուցաբերում են Հարավային Կորեայի բնակիչները՝ 59%:

Լիա Վարդանյան

Pressmedia.am