Մեկնարկում է VBET Հայաստանի գավաթի խաղարկությունը

Այսօր՝ սեպտեմբերի 18-ին, մեկնարկում է VBET Հայաստանի գավաթի խաղարկությունը: Ստորև ներկայացնում ենք 1/8 եզրափակչի առաջին հանդիպումների խաղացանկը։

Նախորդ խաղարկության եզրափակչի մասնակիցներ «Նոան» և «Արարատ-Արմենիան» պայքարի մեջ կմտնեն 1/4 եզրափակչից։ Հիշեցնենք, որ գործող գավաթակիրը «Նոան» է, որն իր պատմության ընթացքում առաջին անգամ նվաճեց Հայաստանի Գավաթը՝ խելահեղ եզրափակչում հետախաղյա 11-մետրանոց հարվածաշարում առավելության հասնելով «Արարատ-Արմենիայի» նկատմամբ ։

VBET Հայաստանի գավաթի խաղարկության բոլոր փուլերը (բացառությամբ եզրափակչի) կանցկացվեն երկուական խաղով:

Հայտնի են նաև VBET Հայաստանի գավաթի 1/8 եզրափակչի առաջին հանդիպումները սպասարկող մրցավարները և պատվիրակները:

Հիշեցնենք, որ Հայաստանի ֆուտբոլի ֆեդերացիան իրավունք է ստացել սույն թվականի սեպտեմբերի 18-ից սկսած՝ թույլատրել VBET Հայաստանի Պրեմիեր Լիգայի, Առաջին խմբի և VBET Հայաստանի գավաթի խաղարկության մասնակից յուրաքանչյուր ակումբից 75 հանդիսատեսի մասնակցություն VBET Հայաստանի Պրեմիեր Լիգայի, Առաջին խմբի և VBET Հայաստանի գավաթի խաղարկության հանդիպումներին (ընդամենը՝ 150 անձ):

VBET Հայաստանի գավաթի 2020/21 խաղարկությանը չի մասնակցի Առաջին խմբում հանդես եկող «Լեռնային Արցախը»: Հայկական երկրորդ Հանրապետությունը ներկայացնող թիմը նախորդ տարի նույնպես բաց էր թողել գավաթի խաղարկությունը՝ պատճառն այն էր, որ թիմը վերջին պահին էր որոշել մասնակցել Առաջին խմբի առաջնությանը, իսկ գավաթի խաղարկությանը մասնակցելու հայտերի ընդունման ժամկետն արդեն ավարտված էր: Ակումբի տնօրեն Մհեր Ավանեսյանի խոսքով այս տարի գավաթի խաղարկությանը չմասնակցելու պատճառը կորոնավիրուսն է։ Մանրամասները՝ այստեղ։

Իսկ ահա նորաստեղծ «Նորավանքն» այս խաղում նորամուտն է նշելու VBET Հայաստանի գավաթի խաղարկությունում։

Այսօր կկայանա երեք հանդիպում․

«Վեստ-Արմենիա» – «Գանձասար-Կապան» ․ հանդիպման մեկնարկը 16։30

«Վան» – «Նորավանք»․ հանդիպման մեկնարկը 16։30

«Ուրարտու» – «Փյունիկ»․ հանդիպման մեկնարկը 19։30