Ալիևի հայտարարությունը, քաղաքագետի արձագանքն ու ՀՀԿ-ի խորհուրդը
Հասարակություն
Ադրբեջանի նախագահ Իլհամ Ալիևը ադրբեջանական ԶԼՄ-ին տրված հարցազրույցում բացահայտել է, թե ինչ է իրենից խնդրել ՀՀ վարչապետ Նիկոլ Փաշինյանի «վերելակում»: Պարզվում է` ժամանակ, որ կարողանա ամրապնդել իր դիրքերը ներքաղաքական կյանքում և խոստացել է փոխարենը «հայ ժողովրդին պատրաստել խաղաղության» և գտնել այնպիսի լուծում, որ «կբավարարի նաև Ադրբեջանի ժողովրդին»:
Այս նմանատիպ արտահայտություններին կոշտ արձագանքեցին հայաստանյան քաղաքական ուժերը և քաղաքագետները: Ինքը՝ Փաշինյանը, զերծ մնաց որևէ պատասխան հնցեչնելուց: Փոխարենը խոսեց ՀՀ ԱԳՆ խոսնակ Աննա Նաղդալյանը, ով Ալիևի հայտարարությունները խորապես հիասթափեցնող համարեց. «Դրանք ի ցույց են դնում հարևան երկրի ղեկավարի անկարողությունը…Նմանօրինակ հռետորաբանությունը, որտեղ առկա են բացահայտ անհիմն և անգամ սուտ պնդումներ, պատիվ չի բերում որևէ երկրի ղեկավարին։ Հայաստանը վստահ է իր կարողությունների վրա՝ պաշտպանելու Արցախի ժողովրդի ինքնորոշման և պատմական հայրենիքում ապրելու իրավունքը, և հենց այդ վստահությամբ վերստին ընդգծում ենք, որ խնդրի խաղաղ կարգավորումն այլընտրանք չունի»,- ասել է Աննա Նաղդալյանը:
Շատ չուշացավ նաև քաղաքագետների գնահատականը: Ստեփան Դանելյանը հայտարարեց՝ Ալիևը սուտ չի խոսում. «… Ալիևը, որպես կանոն, սուտ չի խոսում և տեսակետները շատ ուղիղ և անկեղծ է շարադրում։ Բնավորությամբ ուղղամիտ է, շատ դեպքերում դիվանագիտական կանոնները խախտելով, ինչը կարելի է իր դեմ օգտագործել, եթե դրանք օգտագործելու ունակություններ ունեցող ունենանք։ Բայց խոսքը դրա մասին չէ։ Ասածս ինչ է, իր խոսքերին ուշադիր հետևեք, հաճախ իր ասածներում ճշմարտություն կա ու, ցավոք սրտի, շատ դեպքերում իրենից է կարելի այդ ճշմարտության մասին պատկերացում կազմել, քան մեր սուտասանի կրուտիտներից»։
Արտաքին քաղաքականությունը Փաշինյանի «աքիլլեսյան գարշապարը» համարող և նրան ամենաշատը քննադատող քաղաքական ուժի վառ ներկայացուցիչ Արմեն Աշոտյանն էլ հայտարարեց, որ Ալիեւի հոխորտանքները, մեղադրանքներն ու սպառնալիքները անպատասխան մնալ չեն կարող: Շեշտադրեց. «…եթե պատերազմն անխուսափելի է, ապա, ի հավելիումն այլ բազմաթիվ խնդիրների, Հայաստանը չպետք է պիտակավորվի որպես «մեղավոր» երկիր»։ Եվ վերջում խորհուրդ. «Նիկոլին բզեք, որ սեպտեմբերի 21-ին, Հայաստանի անկախության օրվա ելույթում լրջագույնս հակադարձի Ալիեւին»։
Իսկ հետագա ընթացքը ցույց կտան ակախության տոնի ուղերձը, հարևան երկրի արձագանքը և միջազգային հանրության պատասխանը:
Աննա Ավետիսյան
1
2
3
4
5
3
4
5
1
2
3
4
5
