Իսրայելական ռադիոն բոյկոտ է հայտարարել ռուս արտիստներին՝ Լուկաշենկոյին աջակցելու համար
Ուշադրության կենտրոնում
Իսրայելական «Լավագույն ռադիո»-ն, որը կենտրոնացած է երկրի ռուսալեզու ունկնդիրների վրա, բոյկոտ է հայտարարել մի քանի ռուս և բելառուս արտիստների, ովքեր աջակցում են Բելառուսի նախագահ Ալեքսանդր Լուկաշենկոյին:
Ռադիոկայանի «պատժամիջոցների ցուցակում» ընդգրկվել են Ֆիլիպ Կիրկորովը, Նիկոլայ Բասկովը, Ալեքսանդր Բույնովը, Դենիս Մայդանովը, Անիտա Ցոյը, Դիանա Գուրցկայան և Նատալիա Մոսկվինան: Այս մասին հաղորդվել է «Լավագույն ռադիո»-ի կայքում:
Ցուցակում նշվել են նաև բելառուս արտիստներ Ռուսլան Ալեխնոն, Ալեքսանդր Սոլոդուխան, Իրինա Դորոֆեևան, Ալյոնա Լանսկայան, Վլադիմիր Գրոմովը, Անատոլիյ Յարմոլենկոն, Ժանետը, «Աուրա» և «Բելառուսներ» խմբերը, ինչպես նաև Գրուզդևա քույրերը:
Նշվել է, որ արտիստները երգել են՝ ի աջակցություն Լուկաշենկոյի: «Արտիստները խաղաղության համար – Սիրելիին չեն տալիս» տեսահոլովակը հրապարակվել է բելառուսական «Աուրա» խմբի YouTube-յան ալիքում: Հոլովակը չորս օրվա ընթացքում հավաքել է 886 հազար դիտում, իսկ ալիքի մյուս հոլովակները՝ ոչ ավելի, քան մի քանի տասնյակ հազար դիտում:
«Այս պահից սկսած՝ մենք մեր եթերից բացառում ենք այդ պնակալեզների երգերը: Սա նվազագույնն է, որը մենք կարող ենք անել Բելառուսի ազատասեր ժողովրդի համար: Մենք «Առաջին ռադիո»-ի և այլ ռադիոկայանների ռուսալեզու երաժշտություն տեղադրողմեր գործընկերներին կոչ ենք անում միանալ բոյկոտին», - հաղորդել է «Լավագույն ռադիո»-ն:
Անցյալ շաբաթ ռուս և բելառուս հայտնի կատարողների մասնակցությամբ «Սիրելիին չեն տալիս» տեսահոլովակի թողարկումից հետո սոցցանցերում, մասնավորապես՝ Instagram-ում, որտեղ երգչին բաժանորդագրված է 2,7 մլն մարդ, Բասկովի հասցեին սկսել են բացասական մեկնաբանություններ հայտնվել:
Կիրկորովը վրդովվել է Բասկովի՝ «Լուկաշենկոյին աջակցելու» համար արդարանալու փորձից, որի մասին գրառումը տարածվել է սոցցանցերում:
Կարինե Ավագյան
1
2
3
4
5
2
4
5
1
2
3
4
5
