Լուկաշենկոն ստանձնել է Բելառուսի նախագահի պաշտոնը
РИА Новости-ն հաղորդել է, որ Ալեքսանդր Լուկաշենկոն ստանձնել է Բելառուսի նախագահի պաշտոնը:
Հանդիսավոր արարողությունը տեղի է ունեցել Անկախության պալատում: Դրան հրավիրված է եղել մի քանի հարյուր մարդ՝ պաշտոնյաներ, խորհրդարանի պատգամավորներ, ԶԼՄ-ների ղեկավարներ, մշակույթի և սպորտի գործիչներ:
Պետության ընտրված ղեկավարը՝աջ ձեռքը դնելով Կանոնադրության վրա, բելառուսերենով արտասանել է նախագահի երդմնակալության տեքստը, ինչից հետո ԿԸՀ-ի ղեկավար Լիդիա Երմոշինան հավաստագիրը հանձնել է նրան:
«Նախագահի պաշտոնը ստանձնելու օրը մեր համատեղ համոզիչ և ճակատագրական հաղթանակի օրն է: Մենք ոչ միայն երկրի նախագահ ենք ընտրել, այլև պաշտպանել ենք մեր արժեքները, մեր խաղաղ կյանքը, ինքնիշխանությունը և անկախությունը: Եվ այս առումով մենք դեռ շատ անելիք ունենք», - ասել է Լուկաշենկոն:
Նա ավելացրել է, որ չի կարող և իրավունք չունի «լքել բելառուսներին»:
«Բելառուսական իշխանության ուժը, դրա նկատմամբ վստահության գրավականը կայանում է նրանում, որ նույնիսկ ամենադժվար պահերին մենք չենք հրաժարվել մեր սոցիալական կողմնորոշում ունեցող պետությունից: Ցանկացած հանգամանքներում և ցանկացած պայմաններում թոշակառուների, բազմազավակ ընտանիքների, հասարակության սոցիալապես խոցելի շերտերի աջակցությունը մնում է Բելառուսի այցեքարտը», - նշել է Լուկաշենկոն:
«Չնայած արտաքին սատանայական հնարամիտ մղումներին՝ պահպանել ենք միմյանց նկատմամբ հարգանքը», - ասել է նախագահը:
«Ինչպես արդեն ասել եմ, մենք աշխատում ենք նոր Կանոնադրության վրա: Պետք է պայմաններ ստեղծել իրական, շեշտում եմ, կուսակցակա համակարգի զարգացման համար, կատարելագործել ընտրական օրենսդրությունը, վերջնականապես մշակել տեղական ինքնակառավարման բարեփոխման հարցերը, ինչն արդեն արվում է», - նշել է նա:
Ընդդիմության արձագանքը
«Այսօր մենք աննախադեպ իրավիճակի ականատես դարձանք: Հեռացող նախագահը, ով պնդում է, որ ընտրություններում հավաքել է ձայների ավելի քան 80%-ը, սեփական ինքնաերդմնակալության հատուկ գործողություն է կատարել, - հայտարարել է նախագահության խորհրդի անդամ Պավել Լատուշկոն, - մենք երբեք չենք համաձայնի կեղծմանը և պահանջում ենք նոր ընտրություններ: Բոլորին կոչ ենք անում անհնազանդության անժամկետ բողոքի ցույց սկսել»:
Բելառուսի նախագահի նախկին թեկնածու Անդրեյ Դմիտրևը գտնում է, որ ներկայիս նախապես չհայտարարված երդմնակալության արարողությունից հետո «իշխանությունը վերջնականապես փակվել է պալատում»:
«Աշխարհի բոլոր նախագահները ձգտում են այդ պահն առավելագույնս հանրայնացնել: Չէ՞ որ դա քաղաքական կարիերայի գագաթը և ժողովրդի ճանաչումն է: Նրանք հսկայական հանրահավաքներ են անցկացնում, ելույթներ են ունենում, բայց դա այն դեպքում, երբ կա աջակցություն», - նշել է Դմիտրևը:
Լիա Ղազարյան
1
2
3
4
5
3
4
5
2
3
4
5
