«Վարչապետը չհամարձակվեց նախարար Արսեն Թորոսյանի դեմ գնալ»

«Սեպտեմբերի 19-ին ՀՀ նախագահ Արմեն Սարգսյանը, հիմք ընդունելով վարչապետ Նիկոլ Փաշինյանի միջնորդությունը, Հայաստանի Հանրապետությունում կորոնավիրուսային համավարակի կանխարգելման, վերահսկման և բուժման աշխատանքների կազմակերպման և համակարգման գործում ներդրած ավանդի համար առողջապահության բնագավառի մի խումբ աշխատակիցների պարգևատրել է «Մխիթար Հերացի» մեդալով: Թեև, ինչպես ընդունված է ասել կորոնավիրուսի դեմ պայքարի առաջնագծում, «Նորք» ինֆեկցիոն կլինիկական հիվանդանոցի աշխատակիցներն են եղել, սակայն նրանց պարգևներ չհասան:

Հարկ է նշել, որ առողջապահության նախարարությունն է առաջարկություններ ուղարկում, թե ում պարգևատրել և ում ոչ: Առաջարկությունների ցուցակում «Նորք» ինֆեկցիոն կլինկական հիվանդանոցի աշխատակիցները ներառված չեն եղել: Մամուլն այն կապեց նախարարի և հիվանդանոցի շահերի բախման հետ:

Արսեն Թորոսյանի և հիվանդանոցի հարաբերությունները հրաշալի էին մինչ այն պահը, երբ աշխատանքից ազատման դիմում ներկայացրեց կլինիկայի տնօրեն Մհեր Դավիդյանցը: Բուժաշխատողներն էլ, անդրադառնալով դեպքին, նշեցին, որ Դավիդյանցը լավ ղեկավար է և լավ մասնագետ: ՁԻԱՀ-ի դեմ պայքարի հանրապետական կենտրոնի հետ միացումն էլ ավելի լաված մթնոլատր առաջացրեց, քան առկա է: Աշխատանքից ազատման հենց հոջորդ օրը նախարարի մամուլի խոսնակը պազաբանեց, որ տնօրեն Դավիդյանցին առաջարկվել է փոխտնօրենի հաստիք, որից ինքը հրաժարվել է: Մհեր Դավիդյանցի եղբայր՝ Աշոտ Դավիդյանց էլ, ի պատասխան նշել է, որ փաստերը առնվազն ճիշտ չեն ներկայցվում: Մհեր Դավիդյանիցի հետագա պարզաբանումները ավելի խոսուն էին:

Pressmedia.am-ը կապ հաստատեց առողջապահության հասարակայնության հետ կապերի բաժնի պետ Լիլիթ Բաբախանյանի հետ, ով հաստատեց, որ նախարարությունը առաջարկությունների ցանկում չի ներառել «Նորքի» աշատակիցներին, քանի որ նրանք մոտ մեկ ամիս առաջ արդեն ստացել էին պարգևներ և դեռ էլի ստանալու են, որևէ միտում չի եղել:

Խնդրին անդրադարձել է նաև «Այլընտարանքային նախագծեր խմբի» մեկանբան Մարինե Սուքիասյանը. «Լավ, Ա. Թորոսյանի խեղճությունը հասկացանք, բա վարչապետ Փաշինյանը ո՞վ է. կա՞ մի հարց, որտեղ նա կարողանում է ինքնուրույն հասկանալ վիճակը և կայացնել որոշումներ։ Թե՞ նա դարձել է մերձավորների մանիպուլյացիաների գերին։ Աղմուկն այնքան մեծ է, և վիճակը այնքան անհեթեթ, որ նա ստիպված է լինելու թե´ բացատրություններ տալ, թե´ կոնկրետ հետևություններ անել։ Գրեթե նույն պատմությունն էր արյունաբանական կենտրոնի տնօրենի հարցում։ Մինչև բուժանձնակազմը չգնաց աննախադեպ քայլի, չսպառնաց զանգվածային աշխատանքից ազատվելու հեռանկարով, վարչապետը չհամարձակվեց նախարար Արսեն Թորոսյանի դեմ գնալ»։ Այս անգամ զանգվածային սպառնալիք չկար և կարիք էլ չկա անդրադառնալ պայքարի առաջամարտիկներին:

Աննա Ավետիսյան

Pressmedia.am