Իշխանությունը համամի՞տ է Եռյակի հետ
Վերլուծություն
«Հայրենիք», «Բարգավաճ Հայաստան» և «Հայ հեղափոխական դաշնակցություն» կուսակցությունների դաշինքը հայտարարել է, որ հանրահավաքը տեղի է ունենալու հոկտեմբերի 8-ին: Ամսաթիվը համընկում է Գագիկ Ծառուկյանի դատարանի կալանքի հարցը քննելու օրվա հետ: Հանրահավաքի կոչ-հիմանավորումն է՝ «Իշխող քաղաքական ուժը փաստել է մեր ազգային պետականությանն ուղղված մարտահրավերները դիմագրավելու անկարողությունը»:
Հանրահավաքի օրի ընտությանն անդրադարձել է ԱԺ փոխխոսնակ Ալեն Սիմոնյանը, ով գրառմամբ կարևորել է այն փաստը, որ հանրահավաքի մասնակիցները կարող են վարակվել կորոնավիրուսով և փաստել, որ օրը հարմարեցվել է դատարանում Ծառուկյանի կալանքի հարցի քննարկմանը: Արդյո՞ք մարդիկ չէին վարակվում կորոնավիրուսով «Այո»-ի քարոզարշավի ժամանակ: Չէ որ այդ ընթացքում աշխարհը անում էր հնարավոր ամեն ինչ պանդեմիային դիմակայելու համար: Մարտի 11-ին ԱՀԿ-ն հայտարարեց կորոնավիրուսային համավարակ, իսկ քարոզարշավը շարունակվում էր: Միայն 16-ից երկրում հայտարարվեց արտակարգ դրություն: Եվ օրի-օրի կրկնակի ավելացող դեպքերը ի՞նչի արդյունք էին. որևէ մեկը դեռ չի պարզել, կարծես թե ցանկություն էլ չկա: Հանրահավաքի նպատակահարմարությանն անդրադառնալու, բովանդակային կողմի մասին խոսելու կամ հենց բուն նպատակը՝ պետությանը սպառնացող մարտահրավերներին չկարողանալ դիմակայելը, ԱԺ փոխխոսնակը թողնում է մի կողմ և անդրադառնում ամսաթվին:
Իսկ ի՞նչ կփոխի այն հանրահավաքի բուն էության մեջ: Անկախ ամեն ինչից՝ Ալեն Սիմոնյանին և իմքայլական պատգավորներին պատասխանեց «Հայրենիք» կուսակցության անդամ Արսեն Բաբայանը՝ նշելով, որ օրը բնավ կապ չունի: Ինչու՞ իմքայլականները չանդրադարձան բովանդակությանը, միանվորմանը, դաշինքի հզորության, նրանց ու հասարակության վստահությանը, այլ օրակարգ բերեցին իրականում ազդեցություն չունեցող ամսաթիվը: Այդ հարցերում եռյակ դաշինքի հետ համամի՞տ են:
Կարինե Սիմոնյան
1
2
3
4
5
1
2
3
4
5
1
3
4
