Ադրբեջանի` զոհերի թիվը թաքցնելու մեխանիզմը
Ուշադրության կենտրոնում
Երեկ ուշ երեկոյան պաշտպանության նախարարությունը հայտարարեց, որ հայկական կողմն ունի 16 զոհ (տվյալները թարմացվեցին առավոտյան՝ ընդհանուր ունենք 31 զոհ): Երբ հայկական կողմը խոսեց 16 զոհի մասին՝ հայտարարեց նաև, որ հակառակորդն ունի 200-ից ավելի զոհ: Հարևանները զոհերի մասին լռում են՝ հավատարիմ մնալով իրենց փակ քաղաքականությանը: Հավանաբար, ադրբեջանական հասարակությանը հաշվետու լինելու կարիք բնավ չկա: Այն դեպքում, երբ հայկական կողմն ուներ 16 զոհ, հարևանները` 200, կարելի է ենթադրել, որ հարևանների զոհերը կրկնապատկվել են՝ 400 և ավելի:
«Հենակետ» վերլուծական կենտրոնի ղեկավար, Արցախի նախագահի նախկին խորհրդական Տիգրան Աբրահամյանը Pressmedia.am-ին ասաց, որ Ադրբեջանը զոհերին թաքցնելու խնդիր չունի, ինչն էլ պայմանավորված է նրանով, որ առաջնագծում ադրբեջանցիներ չեն կռվում, դրանք հիմնականում վարձկաններ են տարբեր երկրներից, որոնք Ադրբեջան են եկել Թուրքիայի աջակցությամբ և հավաքագրմամբ: Հաշվի առնելով նրանց՝ այլ երկրի քաղաքացի լինելու հանգամանքը, գաղտնի է պահվում նաև Ադրբեջանի ներսում: «Համոզված եմ, որ տարբեր զորատեսակներում լայնորեն ընդգրկված են նաև Թուրքիայի զինուժի ներկայացուցիչներ, հատկապես ԱԹՍ-ների կառավարման ճակատում, ավիացիայում, հետախուզությունում և այլն»,- նշեց Տիգրան Աբրահամյանը:
Ալիևն իր ռազմական գործողություններում, դեռ հաջողություններ չունի, ուստի ի՞նչ է ներկայացնելու ադրբեջանցիներին: Մասնագետի գնահատմամբ՝ Ադրբեջանի ղեկավար կազմը դեռ ոչինչ չունի հանրության տեղեկացնելու, նա պարզապես Արցախի հարցի կարգավորման ռազմական ճանապարհն է ընտրել և վերջ, բայց վստահ է՝ Ալիևը չի հաջողելու:
Աննա Ավետիսյան
1
2
3
4
5
1
2
4
5
3
5
