«Հրադադար չկա, անհրաժեշտ է հարցը լուծել վերջնականապես, կամ Ադրբեջանի վերջի սկիզբը». փորձագետ

Ռազմական փորձագետ Կարեն Հովհաննիսյանի կարծիքով մարտերը դեռ շարունակվելու են: Պատճառն այն է, որ Ադրբեջանի ղեկավար կազմը ոչինչ չունի իր ժողովրդին ասելու. «Պետք է ինչ որ կերպ արդարացնել այդքան տեխնիկական և մարդկային կորուստները, քանի որ հիմա չունի տարածքային հաջողություններ՝ փորձելու է որևէ կերպ այն ստանալ, իսկ հայկական կողմը դա թույլ չի տալու, բանակը զգոն է և պատրաստ»: 

Մարտերի տևողության շուրջ չշտապեց կանխատեսումներ անել, սակայն ռազմական գործողությունների սպասում էր, քաղաքական գործընթացները հենց դրան էին տանում. «Թուրքիան, դեռ երկու շաբաթ առաջ սկսված զորավարժությունների ժամանակ մեծ թվով զրահատեխնիկա տեղափոխեց Արդբեջան և ավարտելուց հետո էլ ետ չտարավ»: Գործողությունների պլանը հակառակորդը մշակում էր դեռ տավուշյան մարտերից հետո, երբ հաջողության հասնել չհաջողվեց, Թուրքիան օժանդակություն առաջարկեց՝ տեխնիկայի տրամադրում, օդուժ, ԱԹՍ-ներ և, իհարկե, ինչպես նախկին ռազմական գործողությունների ժամանակ, այնպես էլ հիմա` մեծ թվով վարձկաններ:

Ադրբեջանցիները Ադրբեջանի համար չեն կռվում: Փորձագետը կանխորոշում է Ադրբեջանի վերջի սկիզբը. «Եթե Ալիևին չհաջողվի որևէ կերպ արդարեցնել իր՝ այսչափ տեխնիկական, գումարային և մարդկային կուստները, ապա դա կլինի իր վերջի սկիզբը: Այդ արդյունքներին սպասում են ոչ միայն ադրբեջանցիները, այլև հարևան Թուրքիան»: 

Ռազմական փորձագետի համար հրադադար հայտարարելը կամ հակառակորդի ետ քաշվելը` առանց իրավական կարգավորման, ընդունելի չէ: Կարծում է` հարցը պետք է մեկընդմիշտ լուծել: Լավագույն տարբերակը կլինի պայմանագրի կիրառումը, թեև կողմը խաղաղ կարգավորման կողմնակից չէ:

Փորձագետի տեսակետը ավելի իրատեսական դարձրեց իմքայլական պատգամավոր Թևոսյանի հայտարարությունը, ըստ որի՝ վարձկանները անկարգություններ են սկսել Ադրբեջանում. «Ադրբեջանցիները դժգոհում են, որ վարձկանները շարիաթի օրենքներ են փորձում մտցնել իրենց կենցաղ, կոտրում են խանութները՝ արգելելով ալկոհոլ վաճառել, կանանց արգելում են տնից դուրս գալ առանց հիջաբի, թալանում են մարդկանց եւ այլն: Ալիեւի հանցագործ արկածախնդրությունն այդ երկիրը պայթեցնելու է ներսից, շատ չմնաց»,- գրել է պատգամավորը: Նա նաև խոսել է այն աղմակահարույց հոդվածի մասին, որ ռուսական պարբերականն էր հրապարակել. «Սեպտեմբերի սկզբին ռուսական Նեզավիսիմայա Գազետա-ն հոդված էր հրապարակել, որտեղ պատմում էր, որ Սիրիայից եկած վարձկանները պատրաստվում են Հայաստանի հանդեպ բլիցկրիգի: Հետագայում այդ հոդվածը ադրբեջանական ճնշումների ներքո ջնջվեց»:

Իսկ որքա՞ն կտևի՝ միչև սկսվի Ադրբեջանի վերջի սկիզբը:

Աննա Ավետիսյան

Pressmedia.am