Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Ուշադրության կենտրոնում
Ադրբեջանը Թուրքիայի ակտիվ քաջալերմամբ և ռազմաքաղաքական աջակցությամբ ընդլայնում է ռազմական գործողությունների գոտին։
Վարդենիսում ադրբեջանական հրետակոծության հետևանքով քաղաքացիական մեկ զոհ կա։ Տեղեկությունը Facebook–ի պաշտոնական էջում հայտնում է ՀՀ ԱԳն մամուլի խոսնակ Աննա Նաղդալյանը։
«Ադրբեջանի զինված ուժերը հարվածներ են հասցրել Վարդենիսի շրջանի զինվորական և քաղաքացիական ենթակառուցվածքների ուղղությամբ՝ այդ թվում թիրախավորելով քաղաքացիական բնակչությանը, որի արդյունքում սպանվել է մեկ քաղաքացիական անձ»,– նշված է հաղորդագրության մեջ:
Նաղդալյանը հիշեցնում է` առավոտյան ՀՀ ԱԳՆ–ն հայտարարություն էր տարածել, որտեղ մատնանշել էր, որ Ադրբեջանն ապատեղեկատվություն է տարածում՝ հող նախապատրաստելով Հայաստանի Հանրապետության Վարդենիսի շրջանի ուղղությամբ մարտական գործողություններ ձեռնարկելու համար:
«Հաշված րոպեներ անց, արհամարհելով ռազմական գործողությունների դադարեցման վերաբերյալ միջազգային հանրության շարունակական կոչերը՝ Ադրբեջանը Թուրքիայի ակտիվ քաջալերմամբ և ռազմաքաղաքական աջակցությամբ, ընդլայնում է ռազմական գործողությունների գոտին՝ դրա մեջ ներառելով նաև Հայաստանի Հանրապետության տարածքը»,– հավելում է ԱԳՆ խոսնակը։
Նա ընդգծում է տարածաշրջանային անվտանգությունը և խաղաղությունը վտանգելու Ադրբեջանի հետևողական փորձերին Հայաստանի Հանրապետության և Արցախի Հանրապետության կողմից տրվելու է համարժեք ռազմաքաղաքական պատասխան։
1
2
3
4
5
1
2
4
5
1
2
3
4
5
