«Եթե ճանաչենք Արցախի անկախությունը՝ դա փաստացի կնշանակի, որ մենք էլ ենք հրաժարվում խաղաղ բանակցային գործընթացից». քաղաքագետ
Արդեն մի քանի օր է, ինչ շրջանառվում է տեղեկություն-կարծիք` ճանաչելու Արցախի անկախությունը: ՀՀ վարչապետ Նիկոլ Փաշինյանն էլ անձամբ հայտարարեց, որ օրակարգում նման հարց կա: Pressmedia.am-ը քաղաքագետ Ստեփան Գրիգորյանից հետաքրքրվել է, թե ինչ կլինի, եթե ճանաչենք Արցախի անկախությունը: Ըստ քաղաքագետի, ՀՀ-ն չէր ճանաչում Արցախի անկախությունը միայն այն պատճառով, որ այդ հարցը իր լուծումը ստանա խաղաղ ճանապարհով. «Եթե մեր ագրեսոր հարևանը ընտրել է զենքի ճանապարհը, ըստ երեևույթին մեզ ոչինիչ չի խանգարում ճանաչել Արցախի անկախությունը»:
Գրիգորյանը ճանաչման հարցը չկապեց ռազմատեխնիկական գործոններով, դա կապված է զուտ հակառակորդի կողմից ուժի կիրառմամբ, իսկ այդ դեպքում, ըստ քաղաքագետի, անիմաստ է դառնում խաղաղ ճանապարհով հարցը լուծելը. «Երբ օրակարգում ՀՀ-ն դնում է Արցախի ճանաչման հարցը՝ դա ևս զսպիչ մեխանիզմ պետք է լինի Ադրբեջանի համար»:
Ստեփան Գրիգորյանը բանակցային լավագույն տարբերակն էլ առաջարկեց. «Առաջնորդվել Մադրիդյան սկզբունքներով: Այսինքն, հանրաքվե անցկացնել Արցախում, և այդպես էլ մենք կհասնեինք անկախության, առանց պատերազմի և երկկողմ զոհերի: Ըստ Մադրիդյան սկզբունքների` Արցախի ժողովրդի ինքնորոշումը պետք է լինի պարտադրող»:
Կարծում է, որ եթե ճանաչենք Արցախի անկախությունը` դա փաստացի կնշանակի, որ մենք էլ ենք հրաժարվում խաղաղ բանակցային գործընթացից: Ադրբեջանը պատերազմ սկսելով ցույց տվեց, որ դուրս է գալիս այդ գործընթացից, և հիմա միայնակ ենք մնացել խաղաղ բանակացային սեղանի շուրջ:
Աննա Ավետիսյան
1
2
3
4
5
1
2
3
4
5
1
2
5
