Հնարավոր է` վարձկանները տարածվեն ամբողջ տարածաշրջանում
Վերլուծություն
Պաշտոնական մամուլը հաստատեց, որ Թուրքիայի անմիջական աջակցությամբ և ջանքերով Ադրբեջան են հասել ևս 4000 վարձկաններ, որոնք կռվելու են Արցախի բանակի, ինչպես նաև՝ զենք չունեցող խաղաղ բնակչության դեմ: Դաշնակից պետությունները, ինչպես նաև միջազգային հանրությունը չանդրադարձան այս` անչափ կարևոր դրվագին: Իսկ թե ինչպիսին պետք է լիներ այդ արձագանքը` Pressmedia.am-ի ընթերցողին է ներկայացնում արևելագետ, միջազգայնագետ Արարատ Կոստանյանը:
Ըստ նրա՝ նման քայլերը նախ պետք է դատապարտեն մոտ դաշնակիցները. «Մերձավոր արևելքի համար սա մեծ խնդիր է: Սիրիայում 8 տարի տևած պատերազմը դեռ ավարտված չէ և շատ հստակ երևում է, որ այդ ահաբեկչությունների կազմակերպիչը և կորդինացնողը հենց Թուրքիան է, որը վերջերս այդ ահաբեկիչների մի մասին ուղարկել է Լիբիա: Կարծում եմ՝ մուսուլման եղբայրների մուտքի երաշխավորը Թուրքիան է, իսկ նպատակը՝ Օսմանյան կայսրության իրենց երազանքի վերականգնումը: Դա նախ չի բխելու հարևան Իրանի շահերից, նա կարող է հայտնվել թիրախում: Արձանգանքը պետք է շատ խիստ լինի»:
Հայստանի Հանրապետությանն էլ խորհուրդ տվեց օր առաջ միանալ հակաթուրքական կոալիցիային, որը բաղկացած է Եգիպտոսից, Հունաստանից, Կիպրոսից՝ Ֆրանսիայի գլխավորությամբ: Ներկայացնում է, թե ինչպես առաջացավ մարդկանց այդ խումբը՝ վարձկաններ, բողոքողներ, ահաբեկինչներ. «Յուրաքանչյուր պետությունից էլ մշտապես բողոքողներ կան և մենք ականատես եղանք, թե ինչպես Սիրիայում, բնականաբար Թուրքիայի օժանդակությամբ, ձևավորվեցին այդ վարձկանները: Իսկ հրահրող երկրի միակ նպատակն էր ստեղծել Օսմանյան կայսրության երազանքը»:
4000-ի թիվը մեզ համար մեծ վտանգ լինել չի կարող, բայց այն կարող է խթան հանդիսանալ, որ այդ ահաբեկիչների մեծ մասը հայտնվեն այստեղ, երբ պատերազմը թեժ ընթացք ստանա: Իսկ հարևան Թուրքիան էլ երկու պետությունների հարաբերություններում միջամտելու և փաստացի պատերազմ հրահրելու համար էլ պետք է արժանանա կոշտ գնահատականի:
Աննա Ավետիսյան
1
2
3
4
5
1
2
3
4
5
3
