Թուրքագետ Ռուբեն Սաֆրաստյանը կարևոր տեղեկություններ է փոխանցում
Վերլուծություն
ՀԱԱ արևելագիտության ինստիտուտի գիտական ղեկավար, թուրքագետ Ռուբեն Սաֆրաստյանը ուշագրավ հայտարարություն է արել արցախաադրբեջանական պատերազմին՝ Թուրքիայի ներգրավման հնարավորության մասին:
Մեջբերելով Bloomberg հայտնի գործակալության հաղորդագրությունը՝ թուրքագետը նշել է, որ պարբերականը հիմնվելով ՆԱՏՕ-ի գաղտնի հետախուզական տվյալների վրա, տեղեկություն է տարածել, որ եթե Թուրքիայի միջամտությունը չլինի, ապա, ըստ ամենայնի, հայկական զինված ուժերը հաղթանակի կհասնեն: «Սա շատ կարևոր լուր է, որն, ամենայն հավանականությամբ, հասել է նաև Թուրքիային: Ուստի, իմ կարծիքով՝ Թուրքիան պետք է խնդիր լուծի՝ կա՛մ կներգրավվի ադրբեջանաթուրքական ագրեսիայի մեջ, կա՛մ թույլ տա, որ Ադրբեջանը պարտվի: Կան նաև տեղեկություններ, որ Ադրբեջանի կազմում ներգրավվում են Լիբիայից բերվող թուրքական ազդեցության տակ գտնվող վարձկաններ: Կան նաև տվյալներ, որ Պակիստանից ևս մասնակիցներ կան: Այսինքն՝ ինձ համար ակնհայտ է, որ Թուրքիան փորձում է ջիհադիստական ջոկատներ ձևավորելով՝ օգնել Ադրբեջանին»,- ասել է Ռ. Սաֆրաստյանը:
Pressmedia.am-ի հարցին, թե՝ արդյո՞ք այս տարածաշրջանը պատերազմական գործողությունների մեջ ներքաշելու փորձի պատճառով հակասություններ չեն առաջանա Ռուսաստանի և Թուրքիայի միջև, թուրքագետը պատասխանեց. «Հարավային Կովկասը Ռուսաստանի համար կարևոր է, ուստի իմ կարծիքով կան կարմիր գծեր, որոնք, Ռուսաստանն, այնուամենայնիվ, թույլ չի տա հատել: Եվ, քանի դեռ Թուրքիան չի հատել այդ գիծը, Ռուսաստանը կպահպանի իր չեզոքությունը»,- ասաց Ռ. Սաֆրաստյանը:
Կարեն Սիմոնյան
1
2
3
4
5
1
2
3
4
5
1
3
4
