«Ադրբեջանը նոր զորակոչի խնդիր ունի». Ռազմական փորձագետ

Վերջին երկու օրերի ընթացքում Ադրբեջանի նախագահ Իլհամ Ալիևը հայտարարեց, որ գրավել են Մատաղիսը, Ջաբրաիլը, հետագայում պարզվեց, որ ըստ իրենց, հայ զինվորները փախչում են, իսկ ավելի ուշ էլ տեղեկացանք, որ սպիտակ դրոշը ձեռքներիս հանձնվում ենք:

 

Պաշտպանության նախարարության ներկայացուցիչ Արծրուն Հովհաննիսյանը բոլորը արտահայտություններին ի պատասխան՝ 04.10.20թ-ին, Հայկական տեղեկատվական միասնական հարթակի ուղիղ եթերից ասաց. «…Նոր բան չի ասել, մեկնաբանելու կարիք չկա: Ըստ երևույթի` միշտ էլ նույնաբովանդակ է խոսում…»: Մատաղիսը գրավելու մասին լուրերին ՊՆ ներկայացուցիչը Ալիևի թվիթերյան հայտարարությանը նույն պահին էր պատասխանել՝ առաջարկելով այցելել Մատաղիս:

 

 Սրան հաջորդեց տեսանյութ. «Վազեք, առողջության համար լավ է..» գրառմամբ, որտեղ երևում է, թե ինչպես են ադրբեջանցիները փախչում Մատաղիսի հարակից տարածքից:

 

Հետո էլ որոշեցին ու Ջաբրաիլը գրավեցին: ՊՆ ներկայացուցչի պատասխանը շատ չուշացավ: Ալիևն էլ չէր կողմնորոշվում՝ ինչ գրի, որ ավելի համոզիչ լինի:

 

 Դե իսկ ուղիղ եթերից ընդամենը հերքեց տեղեկատվությունը և վերջ: Pressmedia.am-ը ռազմական փորձագետ Կարեն Հովհաննիսյանից հետաքրքրվեց, թե որն է պատճառը, որ երկրի գլխավոր գերագույն հրամանատարը ապատեղեկատվություն է տարածում: Ասում է` պատճառն ակնհայտ է. «Ադրբեջանը զորակոչի հետ խնդիր ունի և փորձում է այդ կերպ քաջալերել իր զինվորներին, թե իբր իրենք հաղթող են, հաղթել են, հայերը փախչում են և այլն: Դա է նպատակը»: Կարծում է` Ալիևն արդեն իսկ իր երկրում ընդհանրապես վարկանիշ չունի և ամեն քայլի գնում է իր իշխանությունը պահելու համար. «Ինքն իսկապես իշխանությունը պահելու մեծ խնդիր ունի: Չի մտածում նույնիսկ իր քալերի հետևանքների մասին, քանի որ աթոռը տեղից փախչում է»,- նշեց ռազմական փորձագետը: