Ադրբեջանի ռազմաքաղաքական ղեկավարությունը հայտնվել է բավական ծանր կացության մեջ. Տաթևիկ Հայրապետյան
Վերլուծություն
«Ադրբեջանը բռնապետական երկիր է և այնտեղ` Ադրբեջանում, բողոքի մեծ ալիք կբարձրանա, եթե ազգային փոքրամասնությունները՝ լեզգիները, թալիշները և մյուսները տեղեկանան իրենց երկրի ձախողումների ամբողջական պատկերին»-,Pressmedia.am-ին ասաց «Իմ քայլը» խմբակցության պատգամավոր Տաթևիկ Հայրապետյանը։ «Այս պահին կան բողոքներ, բայց որքանով դրանք կդառնան լայնամասշտաբ` ցույց կտա ժամանակը: Իմ կածիքով, Ալիևը միտումնավոր չի դիմում դիակները հետ վերցնելու համար, քանի որ շատ լավ գիտի, թե ինչ կսպասվի իրեն դրանից հետո»,-ասաց պատգամավորը։
Ըստ նրա՝ իրականությունից անտեղյակ փոքրամասնությունների ներկայացուցիչները ևս ներկայումս ցույց են տալիս, որ սատարում են Ալիևին, բայց ամեն ինչ կարող է շատ արագ փոխվել, երբ իրականությունը բացահայտվի: Դա է պատճառը, որ Ալիևը վախենում է հրադադարի մասին մտածել: Անդրադառնալով Ադրբեջանի ներքաղաքական իրավիճակին, Տ. Հայրապետյանը նշեց, որ արդեն իսկ տեսանելի է, որ իր գործելաոճով Ադրբեջանը ոչ մի լավ բանի չի հասնի։ «Մի կողմից այդ երկիրը կորցնում է իր սուվերենությունը, մյուս կողմից՝ այնտեղ կարող են իշխանության գալ արմատական իսլամիստները։ Այսինքն՝ այդ երկիրը կանգնած է ծայրահեղ իսլամական պետության վերածվելու վտանգի առջև, ինչը պակաս վտանգավոր չէ տարածաշրջանի համար։ Այնպես որ, պատերազմ սկսելով` Ադրբեջանի ռազմաքաղաքական ղեկավարությունը հայտնվել է բավական ծանր կացության մեջ»,-ասաց պատգամավորը։
Կարինե Գրիգորյան
1
2
3
4
5
1
2
3
4
1
2
