Թուրքիան շարունակում է ահաբեկիչների հավաքագրումը՝ Լեռնային Ղարաբաղ ուղարկելու նպատակով․ИА Реалист

Թուրքիան շարունակում է ահաբեկիչների հավաքագրումը՝  Լեռնային Ղարաբաղ ուղարկելու նպատակով ։ Այս մասին  հայտնում է  ИА Реалист կայքը՝ հղում անելով սիրիական ռազմական հետախուզության իր  աղբյուրներին և նշելով, որ դրանք հաստատել են այն տեղեկությունները, որ Թուրքիան Սիրիայի հարավում խոշոր հավաքագրում է իրականացնում՝ ահաբեկիչների խմբավորումներ նախապատրաստելու և Լեռնային Ղարաբաղ ուղարկելու համար։ Այդ ահաբեկիչների մի մասն արդեն իսկ նկատվել են Թալ-Աբյադ քաղաքի հսկիչ անցակետերում։

Կայքը նաև նշում է, որ թուրքական հետախուզությունն ընտրում է լավ պատրաստված սպաերի, ովքեր սիրիական քաղաքացիական պատերազմի ժամանակ մարտնչել են Թուրքիայի կողմից։ 2016 թվականին Թուրքիայի կողմից մարտնչում էին 36 հազար ահաբեկիչ։

«Անկարայում իշխանությունը պահանջում է հետախուզությունից, որ տարբեր խմբավորումներից հավաքագրեն ահաբեկիչների, որպեսզի նրանց նկատմամբ հսկողությունը հեշտ լինի։ Լեռնային Ղարաբաղի տարածքում կռվում են «Համզայի ջոկատ» (գործունեությունը ՌԴ-ում արգելված է) անվանումով ահաբեկչական խմբավորման անդամներ։ Թուրքիան զենքով և գումարով աջակցում է այս ջոկատին 2013 թվականից սկսած։ «Ահրար ալ-Շարկիա» (գործունեությունը ՌԴ-ում արգելված է)    խմբավորման անդամները նույնպես ուղարկվել են Լեռնային Ղարաբաղի հակամարտության տարածք»,- գրում է կայքը։

Նշվում է, որ 2020 թվականի սեպտեմբերից սկսած թուրքական հետախուզությունը 8 անգամ ավել աշխատավարձ է տալիս ահաբեկիչներին՝ Լեռնային Ղարաբաղում կռվելու համար․ «Շատ վարձկանների խաբում են՝ ասելով, որ իրենք գնալու են Լիբիա, որպեսզի օգնեն «լիբիացի իրենց եղբայրներին», բայց նրանց բերում են Լեռնային Ղարաբաղի հակամարտության տարածք։ Երբ սա բացահայտվեց, Անկարան առաջարկեց ահաբեկիչներին ուղիղ աշխատել իր հետ՝ առաջարկելով պայմանագիր կնքել թուրքական   SADAT  ռազմական կազմակերպության հետ։ Ահաբեկիչներին առաջարկվում է 2000 ԱՄՆ դոլար աշխատավարձ՝ յուրաքանչյուրին։ Վարձկաններին ասում են, որ իրենց ռազմական գործողությունները կարող են մինչև 3 ամիս ձգվել»,-  հայտնում է կայքը՝ հղում անելով իր աղբյուրներին։

Աղբյուր