«Հրադադարից հետո կսկսվի հաջորդ պատերազմի հետհաշվարկը». Ռազմական փորձագետ
Ուշադրության կենտրոնում
Արդեն 13 օր է ինչ Արցախում պատերազմ է, իսկ ՀՀ-ում և ԱՀ-ում հայտարարված է ռազմական դրություն: Յուրաքանչյուր օր խոսվում և քննարկվում է հրադադար կնքելու հարցը: Լուրերը ՊՆ և ՊԲ հերքում են: Այսօր էլ հերթական լուրը տարածվեց, որ հրադադարը կարող է լինել կամ այսօր, կամ վաղը: Այս մեկը դեռ պաշտոնապես չի հերքվել: Pressmedia.am-ը կապ հաստատեց ռազմական փորձագետ Կարեն Վրթանեսյանի հետ, ով ասաց, որ բնական է, որ այս ծավալի ռազմական գործողությունները ինչ- որ պահի պետք է դադարեն. «Հրադադարը կարող է լինել այսօր, վաղը կամ մի քանի ամսից: Եթե հրադադարը «սառեցվի» այս իրավիճակում, ապա նշանակում է, որ հաջորդ պատերազմի հետհաշվարկը սկսված է: Հաջորդ պատերազմին Ադրբեջանը կլինի ավելի մոտիվացված: Հրադադարը Ադրբեջանին պետք է լինելու նոր ուժեր կենտրոնացնելու և կորուստները վերականգնելու համար»: Փորձագետը հավաստում է, որ եթե նույնիսկ Ադրբեջանը ինչ-որ տեղից «քերած» լինի մի փոքր տարածք, այն ուրճացնելու է և այդ կերպ հրամցնի: Հիշեցրեց՝ նույնը եղավ Ապրիլյան պատերազմի դեպքում: Նոր գործողություններ լինելու են թեկուզ միայն նրա համար, քանի որ չկան զսպող մեխանիզմներ միջազգային հանրության կողմից: Այդ դեպքում հնարավոր կլինի նոր վարձկաններ հավաքագրել՝ հաշվի առնելով այն հանգամանքը, որ թշնամին մեղմ ասած «վատ է վերաբերում» վարձկաններին: Նույնիսկ լուրեր կան, որ եթե մարտի դաշտում չեն մահանում, միևնույն է ետ չեն վերադառնում: Փորձագետի խորին համոզմամբ վարձկանները մեծ դեր չեն կատարում այս պատերազմում, քանի որ նրանք սովոր են լրիվ այլ պայմաններում կռվել. «Դա լրիվ այլ ռազմական թատերաբեմ է, գուցե քարոզչական արժեք է իրենց ներկայությունը: Այս պահին չունեմ որևէ բացատրություն, թե նրանք, ռազմական առումով ինչ արժեք են իրենցից ներկայացնում»,- եզրափակեց Կարեն Վրթանեսյանը:
Աննա Ավետիսյան
1
2
3
4
5
1
2
5
1
3
4
5
