ԵՄ-ից մեծ ակնկալիքներ չկան
Pressmedia.am կայքի զրուցակիցը քաղաքագետ Ալեքսանդր Մանասյանն է։
Պարոն Մանասյան այս պահին Մոսկվայում ընթանում է Հայաստանի, Ռուսաստանի և Ադրբեջանի ԱԳ նախարարների հանդիպումը։ Ի՞նչ կարելի է սպասել այս հանդիպումից։
— Առավելագույնը կարելի է սպասել դիակների հավաքագրման համար որևէ գործողություններ։ Շատ ավելին սպասել պետք չէ, քանի որ հակամարտությունը դեռևս այդ փուլում չէ, և կարծում եմ կքննարկվի այն, որ երկու կողմերը իրենց դիերը հավաքեն մարտի դաշտից։ Կարծում եմ` միակ իրատեսական քննարկումը դա է, քանի որ իսլամի օրենքով ևս դիերը պետք է թաղված լինեն նույն կամ հաջորդ օրը։
Հոկտեմբերի 12-ին ԵՄ անդամ պետությունները կքննարկեն ԼՂ հակամարտության հարցը։ ԵՄ-ից ի՞նչ կարելի է ակնկալել։
— Քաղաքականության մեջ որևէ կանխատեսումներ անելը ամենաանշնորհակալ գործն է, քանի որ չենք կարող իմանալ, թե այնտեղ ինչ տրամադրություններ կան։ Մեզ ամենամոտ կազմակերպությունը, որը ունի պարտավորություններ մեր հանդեպ ՀԱՊԿ-ն է, բայց այնտեղ էլ կա խնդիր և շատ մասնագետներ որոշակիորեն ասում են, որ ըստ էության ՀԱՊԿ կազմակերպություն, որպես այդպիսին չկա, քանի որ այնտեղ հիմնականում Ռուսաստանն է, իսկ մնացածը Ադրբեջանի հետ այնպիսի հարաբերությունների մեջ են, որ հազիվ թե ինչ-որ բան անեն։ Խոսքը միայն սերտ հարաբերությունների մասին չէ, այստեղ ավելի շատ շահի խնդիր է, իսկ Ղարաբաղյան հակամարտությունը նրանց շահերի դաշտից հեռու է։ Ավելին ասեմ, նրանք հավատքային համերաշխության դրսևորումներ արդեն ունեցել են, օրինակ, Ղազախստանը, Նոր Սուլթան Նազարբաևը ՀԱՊԿ-ի հիմնադրման ժամանակ արգելափակեց այն, որ Հայաստանը դառնա հիմնադիր անդամներից մեկը։ Եվ ՀԱՊԿ-ը այն կազմակերպություններից է, որի հետ մենք կարող ենք հույսեր կապել, բայց ՀԱՊԿ-ի խնդիրները Ռուսաստանի համար այլ են և ինքը չի ցանկանում ցրված տեսնել ՀԱՊԿ-ը մեր կոնֆլիկտի պատճառով։ Դրա համար` նա կարող է վերցնել անձնական պատասխանատվություն Հայաստանի հանդեպ ստանձնած իր պարտավորությունները կատարելու համար։ Եվ այն, ինչ պարտավորվել է Ռուսաստանը Հայաստանի նկատմամաբ դա առաջինը բխում է հենց Ռուսաստանի շահերից։ Ղարաբաղյան խնդիրը Ռուսաստանի շահերը շոշափող թեմա է և ինքը զգում է ահաբեկչության ալիքի մուտքը Հարավային Կովկաս և որտեղից ահաբեկչությունը կարող է մուտք գործել նաև Հյուսիսային Կովկաս։ Դրա համար ինքը անձնապես շահագրգռված է։ Մենք ԵՄ-ից կարող ենք սպասել միայն ընդհանուր հայտարարություն կրակի դադարեցման հետ կապված, բայց մեծ ակնկալիքներ ԵՄ-ից ես չունեմ։
Սոնա Գիշյան
1
2
3
4
5
3
4
5
2
3
4
5
