Լևոն Տեր-Պետրոսյանն առաջարկում էր տարածքներ զիջել
Վերլուծություն
«Լեռնային Ղարաբաղի հարցով բանակցային սեղանին դրված է տարածքների դիմաց կարգավիճակ տալու հարցը»: 2016թ-ին «Հայ ազգային կոնգրես»-ի համագումարում հայտարարել է ՀՀ առաջին նախագահ Լևոն Տեր-Պետրոսյանը, ով իր ելույթի խոսքում նշել էր, որ հարցի լուծման միակ տարբերակը փուլայինն է: Վստահեցրել է, որ ինչ փաստաթուղթ, որ դրված է եղել նախկին նախագահ Սերժ Սարգսյանի սեղանին՝ հենց նույնն է, ինչի մասին ինքը դեռ վաղուց էր խոսում՝ հեռավոր 1997-ին: «Որոշ տարածքների զիջման դիմաց Ղարաբաղին միջազգայնորեն ճանաչված միջանկյալ կարգավիճակ էր շնորհվելու, իսկ վերջնական կարգավիճակի հարցը` ապագային թողնելու տարբերակը՝ երաշխավորված է ղարաբաղա-ադրբեջանական շփման գծում խաղաղապահ ուժերի տեղակայմամբ։ Սա է, ուրիշ բան չկա: Ոչ մի հեքիաթի չհավատաք: Վաղը կբերեն, կտեսնեք»:
Ի՞նչ է ուզում ասել 1-ին նախագահը, որ տարածքներ հանձնենք, խաղաղություն ձեռք բերենք, իսկ Արցախի ճակատագիրը թողնենք, թող ինչ լինում է` լինի՞: Այդ ինչպե՞ս, ինչի՞ գնով ձեռք բերվածը ինչպե՞ս և ու՞մ թողնենք, պարո՛ն նախագահ: Եվ, ի վերջո, հաշվի առել էիք, թե ի՞նչ է Հայաստանի և Արցախի բնակչությունը:
Նույն ելույթի ժամանակ Տեր-Պետրոսյանը հայտնել էր, որ այլ զարգացման դեպքում Հայաստանի համար ամեն ինչ վատ է լինելու: Ի՞նչ գիտեր նա, որ մեզ հայտնի չէր, վատագույն սցենարի զարգացման մասին, սակայն ոչինչ չի ասվել: «Զիջում ես մասը, մյուս մասը կարողանում ես պահպանել: Ոչինչ չես զիջում` կորցնում ես ամեն ինչ: Մասը պահողները, փրկողները, հռչակվում են դավաճաններ: Ամեն ինչ կորցնողները կոչվում են հայրենասերներ։ Ինչո՞ւ ենք, ուրեմն, մեր անցավ գլուխը փորձանքի տակ դնում»,- հայտարարում էր Լևոն Տեր Պետրոսյանը:
Նույն պաշտոնյան վտագավոր էր համարում նույնիսկ «Ազգ-բանակ» գաղափարը՝ համարելով այն վտանգավոր՝ փաստելով, որ դրա միակ արդյունքը լինելու է արտագաղթը: Լուծման բանալու տեղն էլ գիտեր, պարզվեց ՌԴ-ի մոտ է: «Ղարաբաղի հարցի լուծման բանալին գտնվում է Ռուսաստանի ձեռքում, սա մարդկանց համակրությունների կամ հակակրանքների հետ որևէ կապ ունեցող բան չէ, սա իրականություն է: Եվ Ռուսաստանի վերջին շրջանի այդ ջանքերը, արդ, գալիս են ապացուցելու տվյալ պնդման ճշմարտացիությունը։ Ընդ որում, Արևմուտքը ևս, որի առաջնահերթությունների շարքում, ինչպես նշվեց, ղարաբաղյան կարգավորումը տեղ չի գրավում, վստահաբար, ոչ միայն գիտակցում, այլև գնահատում է Ռուսաստանի առանձնահատուկ դերակատարությունն այդ հարցում»,- հայտարարել է Լևոն Տեր Պետրոսյանը:
Սակայն ներկայումս այդ կարծիքին չէ ՀՀ վարչապետը, ով այդ ընթացքոմ և հիմա էլ հրաշալի հարաբերություններ ունի առաջին նախագահի հետ: Շուրջ 15 օր է Արցախում պատերազմ է և հայ զինվորը կռվում է «ոչ մի քայլ ետ» սկզբունքով:
Աննա Ավետիսյան
1
2
3
4
5
1
2
3
4
5
3
