Ալիևը՝ Լեռնային Ղարաբաղի հայերի ինտելեկտն իր ժողովրդի «ինտելեկտի» հետ շփոթելով, խոստացել է, որ նրանց կարող է «փրկել» և ապահովել բարեկեցիկ ու անվտանգ կյանքով
Հոկտեմբերի 14-ին՝ Ղարաբաղի նոր պատերազմի 18-րդ օրը, Ադրբեջանն առաջին անգամ բացահայտորեն հայտարարել է, որ հարված է հասցրել Հայաստանի Հանրապետության տարածքին: Նյութը վերցրել ենք ռուսական «BBC News Русская служба» կայքից:
Ադրբեջանի պաշտպանության նախարարությունը չորեքշաբթի գիշերը հայտարարել է, որ տեղական ժամանակով գիշերը ժամը 1-ին ադրբեջանական զինվորականները հարված են հասցրել հեռահար հրթիռային «Էլբրուս» կայանքին, որն, իբրև թե, Հայաստանի տարածքից պատրաստվում էր հարված հասցնել ադրբեջանական քաղաքներին:
Հայաստանը հաստատել է Ադրբեջանի կողմից իր տարածքին հասցված հարվածը, սակայն չի նշել՝ ինչ նպատակով է այն հասցվել: Հայաստանը նաև ժխտել է մեղադրանքները, որոնց համաձայն՝ իր տարածքից հրթիռային հարվածներ են հասցվում ադրբեջանական քաղաքներին:
Պատերազմի սկզբում Հայաստանը հայտարարել է սահմանամերձ քաղաք Վարդենիսի վրա ԱԹՍ-ների գրոհի մասին, որի ընթացքում թուրքական F-16 կործանիչը խոցել է հայկական Սու-25 գրոհիչը, սակայն դրա վերաբերյալ այդպես էլ համոզիչ ապացույցներ չեն ներկայացվել:
Ադրբեջանը պնդում է, որ Հայաստանն իր տարածքից հրթիռակոծում է ադրբեջանական քաղաքները, բայց սրա վերաբերյալ ապացույցներ ևս չկան:
Հայաստանի պաշտպանության նախարարությունը հայտարարել է, որ իրեն իրավունք է վերապահում հարվածել Ադրբեջանի տարածքում գտնվող ռազմական օբյեկտներին, իսկ Ադրբեջանի պաշտպանության նախարարությունը միևնույն բառերով հայտարարել է, որ իրեն իրավունք է վերապահում չեզոքացնելու ՀՀ տարածքում գտնվող լեգիտիմ ռազմական թիրախները:
Եթե սահմանների միջև հարվածների փոխանակումը սովորական երևույթ դառնա, ապա կնշանակի, որ պատերազմը դուրս է եկել Ղարաբաղի սահմաններից և սկսվել է Հայաստանիև Ադրբեջանի սահմանների ողջ երկայնքով:
Տեսականորեն սա կարող է նաև միջազգային քաղաքական հետևանքներ ունենալ:
Ի տարբերություն Ադրբեջանի՝ Հայաստանը Ռուսաստանի հետ մտնում է Հավաքական անվտանգության պայմանագրի կազմակերպության (ՀԱՊԿ) ռազմական դաշինքի մեջ, և նրա տարածքին հասցված հարվածի հաստատումը կարող է Ռուսաստանի համար պատճառ դառնալ իր դաշնակցի կողմից հակամարտությանը միջամտելու համար:
Ռուսաստանը դեռևս փորձում է հավասարակշռել պատերազմող կողմերը և միջնորդի դեր խաղալ, իսկ ՀԱՊԿ-ի մամուլի քարտուղարը չորեքշաբթի օրը «РИА Новости» գործակալությանը հայտնել է, որ Հայաստանը չի դիմել կազմակերպությանը:
Ալիևը՝ Լեռնային Ղարաբաղի հայերի ինտելեկտն իր ժողովրդի ինտելեկտի հետ շփոթելով, խոստացել է, որ նրանց կարող է փրկել և ապահովել բարեկեցիկ ու անվտանգ կյանքով, և որ հայերը կկարողանան համերաշխ ապրել վերադարձած ադրբեջանցիների հետ:
Սակայն, Ղարաբաղի հայերը վստահությամբ չեն մոտենում նրա խոսքերին:
Չորեքշաբթի օրը, քաղաքական գործիչներ հարգարժան Արայիկ Հարությունյանից և Նիկոլ Փաշինյանից բացի, Հայ Առաքելական եկեղեցու առաջնորդ Գարեգին Բ կաթողիկոսը՝ անդրադառնալով այդ հարցին, շեշտել է. «Արցախը չունի՛ և չի՛ կարող անվտանգության երաշխիքներ ունենալԱդրբեջանի կազմում»:
Ռուզան Հովհաննիսյան
1
2
3
4
5
4
2
3
4
5
