Դատական համակարգի անկախության բալասանը սահմանադրական փոփոխությունների համատեքստում

Սահմանադրական փոփոխությունների նախագծի գերնպատակներից մեկը հենց դատական համակարգի անկախության ապահովվումն է: Նախագծով որակապես ամրապնդվում են դատական իշխանության գործառութային, կառուցակարգային, նյութական ու սոցիալական անկախության երաշխիքները. անկախացման հստակ կառուցակարգեր սահմանելու միջոցով բարձրացվում է դատական իշխանության դերն ու իշխանության այլ թևերի հետ հակակշռման գործում:

Դատավորների արտաքին անկախության երաշխավորման համար էապես վերափոխվել է դատավորների նշանակման և նրանց լիազորությունների դադարեցման ընթացակարգը: Գործող սահմանադրությունը բոլոր ատյանների դատավորների, դատարանների նախագահների նշանակման և նրանց լիազորությունների դադարեցման հարցում վերջնական իրավասությունը կենտրոնացվում է հանրապետության նախագահի ձեռքում:

Մինչդեռ սահմանադրական փոփոխությունների նախագծով ապահովվում է օրենսդիր, գործադիր և դատական իշխանությունների հավասարակշռված մասնակցությունը դատավորների նշանակման գործընթացին՝ դատավորների ընտրության հարցում առանցքային դերակատարություն վերապահելով անկախ Բարձրագույն դատական խորհրդին, որի սահմանադրական առաքելությունը դատական իշխանության անկախության երաշխավորումն է:
Կարելի է եզրակացնել, որ սահմանադրության նախագծով դատական իշխանությունը դառնում է իշխանության իրական թևերից մեկը, այլ ոչ թե լոկ ձևական: