Պարզվել է, որ թուրքական Բայրաքթար ՏԲ2 ԱԹՍ-ները ռուսական «Պանցիր-Ս1»-ի դիմաց անպաշտպան են
2020 թվականի մայիսի 24-ին Լիբիայում թեժ դիմակայություն էր դիտվում ՀՕՊ ժամանակակից համակարգերի և հարվածային ԱԹՍ-ների միջև: Մի կողմից Թուրքիայի կողմից կիրառվող, Ազգային համաձայնության կառավարությանն օգնություն տրամադրող Բայրաքթար ՏԲ2 ԱԹՍ-ներն էին, մյուս կողմից՝ ռուսական արտադրության «Պանցիր-Ս1» զենիթային թնդանոթային-հրթիռային համակարգերը, որոնք մատակարարվում էին Լիբիայի ազգային բանակի, Արաբական Միացյալ Էմիրությունների, և, հնարավոր է, նաև այլ երկրների կողմից, որոնք կարեկցում էինԼիբիայի ազգային բանակին: Հոդվածը վերցրել ենք yandex.ru կայքից:
Բաց աղբյուրների տվյալների համաձայն՝ ոչնչացվել է «Պանցիրի» 9 համակարգ, իսկ մյուս կողմը կորցրել է 54 հարվածային ԱԹՍ-ներ: Հոդվածում նշված է, որ նման տվյալները միշտ չէ, որ կարելի է ապացուցված համարել: Հաճախ հաստատման համար ծառայող տեսահոլովակները համակարգչային գրաֆիկա են հիշեցնում: Սա վերաբերում է, առաջին հերթին, թուրքամետ «Clash Report» ռեսուրսի կողմից տրամադրված նյութերին:
Զենիթային թնդանոթային-հրթիռային «Պանցիր-Ս1»-ի արժեքը կազմել է մոտ 14 մլն ԱՄՆ դոլար, իսկ Բայրաքթար ՏԲ2 ԱԹՍ-ի արժեքը՝ 5մլն ԱՄՆ դոլար: Այսպիսով, եթե «Պանցիրների» ոչնչացման հաստատված դեպքերից կորուստների գումարը կազմել է 84 միլիոն, ապա գինը պարզապես բազմապատկելով կործանված ԱԹՍ-ների քանակով՝ տվել է ավելի տպավորիչ ցուցանիշ՝ 270 մլն դոլար: Միանգամայն ակնհայտ է, որ լիբիական հակամարտությանը միջամտելը մեծ վնաս է հասցրել Թուրքիայի ռազմարդյունաբերական համալիրին:
Ինչ վերաբերում է ռուսական ՀՕՊ համակարգերին, ապա նույնիսկ կորուստները նրանց որպես գովազդ են ծառայել. ամենաժամանակակից թուրքական «դրոն-մարդասպանները» ոչնչացվել են փորձարարական «Պանցիրների» կողմից, որոնք ԱՄԷ-ին մատակարարվել էին գրեթե տասը տարի առաջ:
Կարելի է եզրակացնել, որ մեծ աղմուկ հանած թուրքական անօդաչուն չի արդարացրել իրեն շռայլված գովասանքը: Իսկ եթե հետագայում Լիբիայի ազգային բանակը «Պանցիրի» ավելի ժամանակակից վերափոխված տարբերակներ կիրառի, ապա Թուրքիան լրջորեն պետք է մտածի՝ արժե՞ արդյոք մեծ մասշտաբներով կիրառելիր ԱԹՍ-ները:
Ռուզան Հովհաննիսյան
1
2
3
4
5
4
2
3
4
5
