Իսկական և լուրջ պայքարը 2017-ին է սպասվում
Ժամեր անց Ազատության հրապարակում կմեկնարկի «Նոր Հայաստանի» հանրահավաքը: Ըստ հայտարարության՝ մասնակիցները չպետք է գնան տուն, պետք է մնան փողոցում մինչև վերջ, մինչև «ռեժիմին հեռացնելը»: Հայտնի չէ դեռ, թե քանի մարդ կմասնակցի հանրահավաքին՝ հաշվի առնելով, որ քաղաքական պայքարի նման ձևը մի շարք ձախողումների պատճառով արժեզրկված ու հումորի թեմա դարձած է, սակայն մի բան պարզ է. եթե այս անգամ պատշաճ քանակությամբ մարդ հավաքվի և եթե այս անգամ էլ խոսքը չհամապատասխանի գործին, այսինքն՝ խոսեն ու գնան տուն, ապա սա երևի թե կլինի վերջին նման միջոցառումը մինչև առաջիկա խորհրդարանական ընտրություններ, քանի որ ևս մեկ հիասթափություն՝ և Հայաստանում ամենաբազմամարդ հանրահավաքներ անցկացնողը կդառնա Պարույր Հայրիկյանը:
Ձախողման դեպքում, իհարկե, ընդդիմությունը կշարունակի իր պայքարը՝ սակայն արդեն պատրաստվելով 2017-ի ԱԺ ընտրություններին, և այստեղ արդեն առավել մեծ հնարավորություններ կունենա ընդդիմության ոչ թե ռադիկալ, այլ ինստիտուցիոնալ թևը, որն այսօր ավելի պասիվ է, ինչն էլ, իմ կարծիքով, նրանց առավելությունն է, քանի որ ռեսուրսներն անարդյունք վատնելու և անիմաստ հեղինակազրկվելու փոխարեն կառուցողական ընդդիմադիրներն ուժեղացնում են իրենց պոտենցիալը՝ գիտակցելով, որ իսկական և լուրջ պայքարը 2017-ին է սպասվում:
Կարեն Վարդանյան
1
2
3
4
5
3
4
5
2
3
4
5
