ՀՀ-ից ՌԴ արտահանումն ավելացնելու հստակ ծրագրերի ուղղու վրա
Մանե Զաքարյանը ֆեյսբուքյան իր էջում գրում է.
Օրերս Թուրքիայի կողմից ռուսական ինքնաթիռի խոցման արդյունքում առաջացած ռուս-թուրքական հարաբերություններում առաջացած լարվածությունը շարունակվում է պահպանվել: Ավելին՝ Ռուսաստանը մի շարք պատժամիջոցներ է սահմանել Թուրքիայի նկատմամբ և արգելել Թուրքիայից Ռուսաստան մի շարք ապրանքների՝ այդ թվում նաև գյուղմթերքի ներկրումը:
Այսպիսի պայմաններում ռեալ հնարավորություններ են առաջացել Հայաստանից Ռուսաստան արտահանումը խթանելու համար:Հայաստանը պետք է շատ արագ փորձի լրացնել ռոււսական շուկայում թուրքական ապրանքների արգելումից առաջացած շուկայական վակուումը, և անհրաժեշտ միջոցառումներ իրականացնել այդ ուղղությամբ, քանի որ հայկական կողմի ուշացումից կարող են օգտվել այլ երկրներ:
Հայաստանից Ռուսաստան արտահանման ծավալները ավելացնելու խնդրին անդրադարձ է եղել գործադիրում կայացած խորհրդակցության ժամանակ, որի ընթացքում քննարկվել են տեղական արտադրանքի արտահանման խթանման ոլորտում տիրող իրավիճակը, այդ ուղղությամբ իրականացվող քայլերը և առկա հնարավորությունները: Կառավարության ղեկավարը նաև հանձնարարել է շահագրգիռ գերատեսչությունների ղեկավարներին՝ ակտիվ աշխատել իրենց ոլորտներում նախանշված ուղղություններով և սեղմ ժամկետում ներկայացնել գործողությունների հստակ ծրագիր:
Սպասվում է, որ մոտ օրերս համապատասխան գերատեսչությունները կներկայացնեն հստակ մեխանիզմներ, որոնց կիրառումը կնպաստի ՀՀ-ից դեպի Ռուսաստան արտահանման ծավալների մեծացմանը:
1
2
3
4
5
1
3
4
5
1
2
3
5
