Ովքեր պետք է ստանձնեն կառավարման լծակներն ու որոշումներ կայացնեն

Քաղաքագետ Սարո Սարոյանը Ֆեյսբուքյան իր էջում գրել է․

Պետական կառավարման այս ճգնաժամը հաղթահարելու համար մոտ ապագայում կառավարման լծակներին պետք է տիրապետեն ու որոշումներ կայացնեն միայն այն անձիք, ովքեր ունեն կամք, գիտելիք, պետական կառավարման փորձ եւ նվիրում: Սա մեր տունը քանդած դիլետանտության տեղը չէ՝ որպեսզի մարդկային այլ պարամետրեր հաշվի առնելով վստահենք սիրուն խոսքեր ասողներին ու փորձենք ճգնաժամից դուրս գալ: Ժամանակ էլ չունենք Հայաստանը կրկին փորձադաշտի վերածելու համար:

Գործող ներկայիս կառավարիչները, երկու տարի առաջ իրենց կադրային քաղաքականությունը բնութագրեցին երկու բառով՝ վատերը գնացել են, եկել են լավերը: Այդ լավերը պատուհաս դարձան երկրի համար: Հիմա, երբ ժողովուրդը փորձում է գտնել որեւէ տեսլական ու ելքեր այս իրավիճակից, քաղաքական բոլոր շրջանակները իրենց պետք է հաշիվ տան՝ արդյոք իրե՞նք են այն մասնագետները, ովքեր կարող են նման իրավիճակում պատասխանատվություն ստանձնել: Բացի այդ, մեր ժողովուրդը պետք է ընկալի, որ նման անցումային փուլում քաղաքական կուսակցությունները, անգամ չցանկանալով ու իրենց գործողություններում շատ դեպքերում ազնիվ մղումներ ունենալով, դառնում են հանրային համերաշխությունը խաթարող գործոններ, քանզի բնական մրցակցության ու ռեվանշի հասնելու մղում է կուտակվում նրանց մոտ: Կուսակցականությունը պետական կառավարման գործում պետք է կիրառություն գտնի միայն անցումային փուլի վերջում, երբ երկիրը կմտնի ընտրական գործընթացների մեջ եւ կսկսվի ծրագրային քաղաքական պայքարը մեր երկրում՝ ժողովրդի վստահության քվեն ստանալու համար: Ճգնաժամային կառավարման ժամանակ կուսակցական դրոշները եւ դիլետանտիզմը պետության թշնամիներն են:

Ավելին՝ այստեղ