Ապրիլյան հանձնաժողովում խուճապ է
Վերլուծություն
Թերթի տեղեկություններով` ՀՀ-ում տիրող ներքաղաքական տուրբուլենտ իրավիճակից օրվա իշխանություններն ամբողջությամբ խուճապի մեջ են։ Այս խուճապային իրավիճակն իր ազդեցությունն է ունեցել նաև Ապրիլյան պատերազմի հանգամանքներն ուսումնասիրող քննիչ հանձնաժողովի աշխատանքների վրա, քանի որ հանձնաժողովը, որը ստեղծվել էր նախկին իշխանությունների գլխին հարվածող մահակի ֆունկցիա կատարելու համար, և մինչ պատերազմը մեծապետական հայտարարություններ ու ոչ հոդաբաշխ ձևակերպումներով էր հանդես գալիս՝ անընդհատ շահարկելով տարածքային կորուսնտների, մոտ 20 դիրքերի, մարդկային զոհերի և այլ թերացումների մասին՝ ներկայումս լրիվ այլ իրողությունում է։ Բանն այն է, որ 44 օր տևած պատերազմը զրոյացրեց այդ ողջ գործընթացը՝ անիմաստ դարձնելով այդ հանձնաժողովին գոյության իմաստ ընդհանրապես։
Հենց ստեղծման օրվանից էլ ակնհայտ է, որ քննիչ հանձնաժողովը բացառապես քաղաքական գործառնույթներ ունեցող կառույց է, իսկ վերջին պատերազմում արձնագրված խայտառակ կորուստները, թե՛ տարածքային, թե՛ մարդկային, որոնց պատասխանատուն օրվա իշխանությունն է, հանձնաժողովն ամբողջությամբ փակուղու առաջ է կանգնեցրել և ներկայումս հանձնաժողովը փաստացի չգիտի, թե քայլերի ինչ հաջորդականություն իրականցնի և հանրությանն ինչպես մատուցի իր այդքան ամիսների թեզերը։
Թերթի տեղեկություններով՝ այս հարցում լուրջ տարակուսած են նաև հանձնաժողովի անդամները, և անձամբ հանձնաժողովի նախագահ Անդրանիկ Քոչարյանը, քանի որ այն, ինչ պետք է գրեին Սերժ Սարգսյանի դեպքում և փորձեին տարբեր տիպի չհիմնավորված փաստերով «բոչկա գլորել», այդ ամենն ուղղվեց ուղղակի իրենց դեմ։
Հենց դրանով է պայմանավորված նախօրեին Քոչարյանի այն պնդումը, թե Ապրիլյան քննիչ հանձնաժողովի եզրակացությունն ամբողջությամբ պետք է ներկայացվի հանրությանը՝ առանց գաղտնի մասի։
Անի Ավագյան
1
2
3
4
5
1
2
4
5
1
2
3
4
5
