Հեռանալու որոշումը կայացրել եմ դեռ հոկտեմբերի 5-ին․ Գեներալ Հակոբյանը մանրամասներ է հայտնում
Ուշադրության կենտրոնումՊաշտպանության նախարարի հրամանն արդեն կա, ես ազատվել եմ ՀՀ ՊՆ ռազմական վերահսկողական ծառայության պետի պաշտոնից: Այս մասին մամուլի ասուլիսի ժամանակ հայտարարեց գեներալ Մովսես Հակոբյանը՝ նշելով, որ հրամանը, ինչպես որ հրապարակվել է, չի համապատասխանում իր զեկուցագրի էությանը, ինչն առանձին թեմա է. «Ես նախարարին խնդրել եմ հրամանն արձակի այնպես, ինչպես գրված է իմ զեկուցագրի մեջ: Հիմա կփորձենք շտկել, եթե ոչ կբողոքարկենք: Պետք է գրվի այնպես, ինչպես ես զեկուցել եմ՝ հայտնելով իմ զորացրման պատճառը»:
Հակոբյանը հայտնեց, որ որոշումը կայացրել է դեռ հոկտեմբերի 5-ին, հիմքեր եղել են. «Այն ժամանակ չեմ զորացվել, քանի որ պատերազմի ընթացքում իմ որոշումը վնաս է հասցնելու ԶՈՒ-ին, որոշել եմ սպասել մինչ պատերազմի ավարտը:
Չնայած որոշմանս, շարունակել եմ աջակցել բանակին՝ խորհուրդներով, այդ թվում՝ ռազմաքաղաքական ղեկավարության, բայց ոչ անմիջական, այլ միջնորդների միջոցով:
Որոշումս վերջնական կայացրել եմ ՀՀ վարչապետի գիշերվա լայվից հետո, երբ կռվող տղաներին կոչ արեց վերադառնալ հրապարակ և, իր խոսքերով, վնգստացողներին դուրս մղել հրապարակից: Այդ պահին որոշումս կյանքի եմ կոչել ու զեկուցագիր եմ գրել բանակից զորացրվելու համար»:
Ավելին՝ այստեղ
1
2
3
4
5
1
2
3
4
5
2
3
