«Նոր Հայաստան» հանրային փրկության ճակատի հերթական հանրահավաքն ու երթը` հանրության փոքր հատվածի վրա ազդեցություն գործելու միտում
Արմեն Պետրոսյանը Ֆեյսբուքյան իր էջում գրում է.
«Նոր Հայաստան» հանրային փրկության ճակատի հերթական հանրահավաքն ու երթը, որն ակնհայտորեն ամենասակավամարդն էր մինչ այս տեղի ունեցածներից (այս հանգամանքն, անշուշտ, փաստում է շարժման աստիճանական մարման մասին), աչքի ընկավ հատկապես կառույցի ղեկավար խորհրդի ներկայացուցիչների ելույթներում «կարմիր թելի» պես անցնող՝ «սա վերջին հնարավորությունն է», «ռեժիմի վերջն է» և այսօրինակ տարաբնույթ «ՎԵՐՋԵՐ» ազդարարարող այլ նմանաբովանդակ հայտարարություններով, որոնց առաջնանպատակն, անխոս, խիստ սահմանափակ լսարանի և հանրության շատ փոքր հատվածի վրա ազդեցություն գործելու միտումն էր:
Մինչդեռ անկախ սահմանադրական հանրաքվեի արդյունքներից, աներկբա է այն իրողությունը, որ Ազատության հրապարակի զբաղեցրած «Նոր Հայաստանի» և նրա գործելաոճը կիսող այլ ուժերի կողմից թմբկահարվող «վերջն», իրականում, իրոք վերջի է հանգեցնելու, բայց վերջ ընդդիմության նման գործելաոճի, ինչու ոչ, նման ծայրահեղական դիրքերից հանդես եկող ընդդիմադիր կառույցների. ասել է թե՝ ավարտվելու է արդեն 2 տասնամյակ շարունակվող ընդդիմության անպտուղ և հասարակությանը էականորեն հիասթափեցրած, փաստացի սպառված պայքարի ժամանակաշրջանը:
Նաև ասվածի տրամաբանական շարունակություն՝ տեղին է ամրագրել նաև մեկ այլ ճշմարտություն՝ ամեն «վերջ» «սկիզբն» է մի նոր երևույթի, նոր իրողության…
Իսկ իրողությունն այդ լինելու է որակապես նոր՝ «ինստիտուցիոնալ ընդդիմության» ժամանակաշրջանը և ընդդիմադիր պայքարի նոր՝ գաղափարի և ծրագրի վրա հիմնված գործելաոճը, որի էստաֆետան, կամա թե ակամա, շատ մոտ ապագայում արդեն հանձնվելու է հայաստանյան քաղաքական դաշտի ընդդիմադիր հատվածում արդենիսկ բավականին ծանրակշիռ հայտ ներկայացրած մի շարք նոր քաղաքական կառույցների:
1
2
3
4
5
1
3
4
5
1
2
3
5
