2018 թվականը հնարավորություն էր ժողովրդին իրականությունը բացատրելու համար, որը չարվեց. Նորայր Նորիկյան
Ուշադրության կենտրոնում
Նոյեմբերի 10-ից Հայաստանում և Կովկասյան տարածաշրջանում աշխարհաքաղաքական նոր իրողություններ են ձևավորվել, որոնց հետ միանշանակ պետք է հաշվի նստել: Մյուս կողմից պետք է արձանագրել, որ այս ամենով Արցախյան խնդիրը չի հանգուցալուծվել և դեռ ահռեկի աշխատանք կա անելու, որը ևս անտեսել չի կարելի: Փաստաբան Նորայր Նորիկյանը Pressmedia.am-ի հետ զրույցում նշեց, որ այս պատերազմում մեր կրած պարտության պատճառներից մեկը զգոնությունը բթացնելու հետևանք էր, երկար տարիներ մադկանց համոզելով, որ եթե մեկ անգամ հաղթել ենք, ապա կարող ենք հաղթել միշտ: «Մենք տուրք տվեցինք կեղծ հայրենասիրական արժեքներով առաջնորդվող էլիտաներին, որի արդյուքները քաղում ենք այսօր: 2018 թվականը հնարավորություն էր ժողովրդին իրականությունը բացատրելու համար և ներկայացնելու աշխարհաքաղաքական այն իրողությունները, որոնք կար, բայց դա էլ չարվեց: Ես կարծում եմ, որ մենք պարտվել ենք մինչև պատերազմը սկսվելը, քանի որ մինչ այդ և պատերազմից առաջ, չկարողացանք ձևավորել աշխարհաքաղաքական այնպիսի տրամադրություն, քաղաքական կենտրոնների հետ չկարողացանք ստեղծել այնպիսի օրակարգ, որը կարող էր իրավիճակը թելադրողի մակարդակ ապահովել և, արդյունքում, զրկվեցինք անկախությունից հետո ձեռք բերած ամենակարևորագույն նվաճումից: Այսօր մենք պետք է պատասխանենք մեկ հարցի մենք ինչպե՞ս ենք պատկերացնում մեր երկրի ապագան, պետք է շարունակենք ինքներս մեզ խաբելով ապրե՞լ, թե պետք է կառուցենք որակապես այլ որակի պետություն»,- ասաց Ն. Նորիկյանը:
Սերինե Բադալյան
1
2
3
4
5
1
2
4
5
3
4
