Վլադիմիր Պուտինը օրենք է ստորագրել
Ռուսաստանի Դաշնության նախագահ Վլադիմիր Պուտինը օրենք է ստորագրել, որը պարզեցնում է Եվրասիական տնտեսական միության անդամ երկրների հետ Ռուսաստանի Դաշնության սահմաններով որսորդական զենքի տեղափոխման կարգը եւ օրենսդրության դրույթները համապատասխանեցնում է ԵԱՏՄ նորմերին: Փաստաթուղթը հրապարակվել է երեքշաբթի իրավական տեղեկատվության պաշտոնական պորտալում, փոխանցում է ՏԱՍՍ-ը:
Ինչպես ավելի վաղ պարզաբանել էր նախաձեռնության համահեղինակ, Պետդումայի անվտանգության եւ հակակոռուպցիոն հանձնաժողովի նախագահ Վասիլի Պիսկարյովը, այժմ ԵԱՏՄ որեւէ անդամ երկիր զենքով եւ փամփուշտներով որսի գնալու համար Ռուսաստանի Դաշնության քաղաքացիներին անհրաժեշտ է ստանալ միայն որսի վայրի մասով լիազոր մարմնի թույլտվությունը: Նույն նորմերը կգործեն նաեւ Ռուսաստանում կազմակերպության անդամ երկրներից` Հայաստանից, Բելառուսից, Ղազախստանից եւ Ղրղզստանիղ որսորդների նկատմամբ:
Մինչ այս օրենքի ընդունումն արտասահմանում որսի գնալ ցանկացող ռուսները պետք է զենք դուրս բերելու թույլտվություն ստանային «Ռոսգվարդիա»-յում, իսկ զենքը երկիր մտցնելու թույլտվությունը տալիս էր ընդունող կողմի համանման ծառայությունը: Ընդ որույմ, ԵԱՏՄ երկրների կողմից 2016 թվականին ստորագրված համաձայնագիրը նախատեսում է ավելի պարզ ընթացակարգ է նախատեսնում` թույլտվություն միայն որսի վայրի համար:
«Օրինագծի ընդունումն ազգային օրենսդրությունը կհամապատասխանեցնի Ռուսաստանի Դաշնության միջազգային պայմանագրերին, կնվազեցնի վարչական խոչընդոտները Ռուսաստանի քաղաքացիների համար եւ կվերացնի հարաբերությունների օրենսդրական կարգավորման առկա բացերը որսորդական զենքի շրջանառության ոլորտում»,- ասված է բացատրական գրության մեջ:
Ավելին՝ այստեղ
1
2
3
4
5
3
2
3
4
5
