Լավրովի ծաղկուն ռեգիոնի «տեսլականը». Բաքուն հերթական սահմռկեցուցիչ տեսանյութն է տարածել
ՀասարակությունLragir.am-ը գրում է.
Հարավային Կովկասը հակասությունների ռեգիոնից կվերածվի կայունության եւ ծաղկման ռեգիոնի, եւ Ռուսաստանը կանի այդ ուղղությամբ անհրաժեշտը, Մոսկվայում հայտարարել էր ՌԴ արտգործնախարար Լավրովը, ընդունելով Հայաստանի նոր արտգործնախարար Այվազյանին:
Ասե՞լ է այդ առնչությամբ անհրաժեշտը Այվազյանը Լավրովին, մանրամասն հայտնի չէ: Այվազյանն իհարկե ասել է կարեւոր բաներ, օրինակ ռեգիոնից Թուրքիայի զինյալ ահաբեկիչներին հեռացնելու անհրաժեշտության, Արցախի օկուպացված տարածքների, դրանք ահաբեկիչներով ու վարձկաններով բնակեցնելու թուրքական պլանների մասին:
Պարզ չէ, թե այդ ամենին ինչպես է արձագանքել Սերգեյ Լավրովը: Կամ, ավելի շուտ, Լավրովի արձագանքը բավական պարզ է հենց հակասությունների փոխարեն կայուն ու ծաղկուն ռեգիոնի մասին նրա հայտարարությունից: Ավելին, մարդը նույնիսկ ավելի վաղ հայտարարել էր, որ Թուրքիայի հետ չունեն սկզբունքային անհամաձայնություն: Մինչդեռ, խնդիրները, որոնք բարձրացնում է Երեւանը, սկզբունքային են հայկական անվտանգության եւ շահի տեսանկյունից:
Ի՞նչ քննարկումներ են եղել ծաղկուն ու կայուն ռեգիոնի լավրովյան պատկերացումների շուրջ: Եթե այդտեղ մնացել է բաց, ապա բացը լրացրեց Բաքուն՝ Լավրովի հայտարարությունից հետո համացանցում հայտնվեց հերթական տեսանյութը, թե ադրբեջանզի զինվորներն ինչպես են կտրում հայ ծերունու կոկորդը:
Ըստ ամենայնի, խոսելով ծաղկուն ռեգիոնի մասին, Ռուսաստանի արտաքին գործերի նախարարը նկատի ունի վայրենության, հակամարդկային հատկանիշների եւ որակների ծաղկման հանգամանքը: Այդ իմաստով, Լավրովի բնորոշմամբ ռուս-թուրքական՝ սկզբունքային անհամաձայնությունից զերծ գործընկերությունը անշուշտ տվել է իր արդյունքը: Թուրքիան ռեգիոնը բնակեցնում է զինյալներով, ահաբեկիչներով, որոնց վարքաբանության ապացույցները վաղուց ի վեր ողողում են համացանցը մերձավորարեւելյան տեսագրություններով, եւ դրանց այժմ գրեթե ամենօրյա ռեժիմով ավելանում են կովկասյան տեսագրությունները:
Հետաքրքիր է, արդյոք Սերգեյ Լավրովն ու նրա Մարիա Զախարովան երբեւէ կանհանգստանան Բաքվի վայրենություններով, ֆաշիզմով, ռասիզմով այնպես, ինչպես «անհանգստանում» էին Հայաստանում Նժդեհի արձանով:
Ավելին՝ այստեղ
1
2
3
4
5
2
3
4
5
1
2
3
4
5
