Ավելի լավ է վտանգավոր խաղեր չխաղալ խաղաղապահների հետ. Պետդումայի պատգամավորն՝ Արցախում վերջին իրադարձությունների մասին
Ուշադրության կենտրոնումՌԴ Պետդումայի պատգամավոր Վիկտոր Վոդոլացկին մեկնաբանել է Լեռնային Ղարաբաղում հրադադարի ռեժիմի խախտումը: Այս մասին հայտնում է ՌԻԱ Նովոստին։
Ավելի վաղ, ՀՀ ՊՆ-ն հայտարարություն է տարածել, որում ասված է․«Դեկտեմբերի 11-ին՝ ժամը 20:40-ի սահմաններում, ՊԲ հարավային ուղղությամբ տեղակայված մարտական դիրքերից մեկի ուղղությամբ հակառակորդը ձեռնարկել է հարձակման փորձ»:
Ավելի ուշ, Լեռնային Ղարաբաղի հակամարտության գոտում գտնվող խաղաղապահ ուժերի ռուսական ռազմական զորախմբի հրամանատար, գեներալ-լեյտենանտ Ռուստամ Մուրադովը հայտարարել է, որ դեկտեմբերի 11-ին Խծաբերդ և Հին Թաղեր բնակավայրերի շրջակայքում խախտվել է հրադադարի ռեժիմը: Խնդիրը հարթվել է ռուս խաղաղապահների գործողությունների արդյունքում:
«Դեկտեմբերի 11-ին տեղի ունեցած միջադեպից հետո ռուս խաղաղապահները միջոցներ են ձեռնարկել, որպեսզի տեղի ունեցածն այլևս չկրկնվի: Խաղաղապահ ուժերի ղեկավարությունը փորձառու գեներալներ են, որոնք համակարգել են Սիրիայում ռազմական գործողությունները՝ որպես խորհրդատու: Այսօր իրավիճակը խիստ վերահսկվում է»,-ասել է Վոդոլացկին:
Պատգամավորը շեշտել է, որ Ռուսաստանի Պաշտպանության նախարարությունը մշտական կապի մեջ է Հայաստանի և Ադրբեջանի ռազմական գերատեսչությունների հետ: Բացի այդ, պատգամավորը կարծիք է հայտնել, որ խաղաղապահների խմբավորումը կարող է ուժեղացվել, եթե տարածաշրջանում ակտիվ ռազմական գործողություններ սկսվեն՝ հավելելով, թե չի հավատում, որ նման անհրաժեշտություն կառաջանա:
«Կարծում եմ, որ դրա կարիքը չի լինի, և խաղաղապահների ներկայիս քանակը կբավականացնի: Համոզված եմ, որ նրանցից որևէ մեկը կորուստներ չի կրի, քանի որ խաղաղապահների հետ ավելի լավ է վտանգավոր խաղեր չխաղալ»,-եզրափակել է Վոդոլացկին:
Ավելին՝ այստեղ
1
2
3
4
5
1
2
3
4
5
1
2
3
4
5
