Պետք է դիմել տոտալ քայլերի
Վերջին երկուսուկես տարվա ընթացքում՝ դեռ պատերազմից շատ առաջ, հազարավոր առիթներ կային՝ համոզվելու համար, որ Նիկոլ Փաշինյանը չի համապատասխանում վարչապետի աթոռին և մեր փրկությունը նրան օր առաջ ճանապարհելն է, բայց այդ պարզ ճշմարտությունն այն ժամանակ շատերին հասու չէր։ Պարբերաբար ականատես էինք լինում տարբեր անհեթեթ հայտարարությունների ու տեսլականների, ամենուր ատելության քարոզ ու քաղաքական ապօրինի հետապնդումներ էին, մատ թափ տալ ու սպառնալ, ստեր ու անգրագիտություն։
Ըստ էության՝ հայ հանրությունն ամենաբարձր աթոռին նստած անձի անադեկվատ գործողություններում տեսավ ամեն ինչ: Ըստ էության՝ լայն հասարակությունը պարտավոր չէ այդ ամենը հասկանալ և վերլուծել՝ դա հասարակության էլիտայի գործն է, իսկ էլիտան ասում էր՝ «ժողովուրդը մեզ չի հասկանա», «ժողովուրդը սիրում է նրան», «դեռ ժամանակը չէ ապաշնորհ վարչապետի դիմակը պատռելու համար», «ֆեյքերը մեզ կքարկոծեն»։ Մի խոսքով՝ էլիտային բնորոշ զգուշավորությամբ և դեմոկրատական հովերով։
Արցախում բռնկված պատերազմը երկրում գլխիվայր փոխեց իրավիճակը։ Էլիտան հասկացավ, որ վարչապետի աթոռին նստած անմեղսունակն ու ոչ ադեկվատը անմեղ երևույթ չէ՝ նա արդեն մեր պետության ու մեր ազգի գոյությանն է սպառնում։ Ուրիշ ի՞նչ պետք է պատահի մեզ հետ, որ հասկանանք՝ այս մարդը չի կարողանում երկիր կառավարել։ Եվ սկսեց իր տաքուկ անկյուններից դուրս գալ։ Բայց երբ դու երկուսուկես տարի վախեցել ես ու չես արտահայտվել, չես բացատրել ժողովրդին՝ որտեղ են վտանգները և ինչու է պետք Փաշինյանին օր առաջ հեռացնել իշխանությունից, այդ ժողովուրդն ընդունակ չէ միանգամից ընկալելու քո այսօրվա ասածը, անգամ եթե զավակ է թաղել, երկիրը փլատակների է վերածվել, կորսված է պետության ինքնիշխանությունը և առջևում սոցիալական աղետ է սպասվում։ Նրա հետ շատ հետևողականորեն աշխատել են այս երկու տարվա ընթացքում, նույն վարչապետն առիթը բաց չի թողել այդ ամորֆ զանգվածի ուղեղը լվանալու համար և ըստ էության դա միակ ոլորտն է, որտեղ հասել է հաջողության։ Այսինքն, ձեզանից պահանջվում է նույնքան հետեւողականորեն հակառակն անել։
Ահա այն քայլերի հաջորդականությունը, որը պետք է իրականցնել տոտալ ու հաջորդաբար․ բացատրել ու համոզել, փիառի նոր-հին մեթոդներ կիրառել, ուղեղների լվացման տեխնոլոգիաներ աշխատեցնել, բացահայտել իշխանությունների կռուտիտներն ու մուտիտները, հատ-հատ զրուցել և տեղ հասցնել պարզ ճշմարտություններ, որոնք հանրային որոշ շրջանակներ ինքնուրույն չեն հասկանում։
Անի Ավագյան
1
2
3
4
5
1
2
3
4
5
1
2
5
