Ռուս և թուրք գեներալներ Արցախի համար. Թուրքիան 60 հոգանոց ռազմական անձնակազմ է ուղարկել

Ռուս խաղաղապահները վերահսկողություն են հաստատել Ղարաբաղի ողջ տարածքում, նրանց գործողությունները կանխել են մարդասիրական աղետը, այսօր հայտարարել է Ռուսաստանի զինված ուժերի գլխավոր շտաբի պետ Վալերի Գերասիմովը՝ օտարերկրյա ռազմական կցորդների հետ հանդիպման ժամանակ։

Ավելի քան մեկ ամիս շարունակվող առաքելության ընթացքում հրադադարը խախտվել է մեկ անգամ՝ Հադրութի Խծաբերդ և Հին թաղեր գյուղերում, որտեղ ադրբեջանական կողմը առաջխաղացման էր գնացել՝ գերեվարելով տասնյակ հայ զինծառայողների։ Գեներալ Գերասիմովը, սակայն, այսօր այս միջադեպին չի անդրադարձել։

Ռուսաստանի Զինված ուժերի գլխավոր շտաբի պետ Վալերի Գերասիմովը հայտարարել է, որ Լեռնային Ղարաբաղում ռուսական խաղաղապահ զորակազմը տեղակայվել է մարդասիրական աղետը կանխելու և տեղի բնակչությանը պաշտպանելու համար:

«Մարդասիրական աղետը կանխելու և տեղի բնակչությունը պաշտպանելու համար, համաձայն հակամարտության գոտում եռակողմ պայմանագրերի, անհապաղ տեղակայվել է Ռուսաստանի խաղաղապահ զորակազմը՝ Կենտրոնական ռազմական օկրուգի 15-րդ առանձին մոտոհրաձգային բրիգադից», - Գերասիմովի խոսքը մեջբերում է РИА Новости-ն: Նրա խոսքով՝ 23 դիտակետերում խաղաղապահներն ապահովում են հրադադարի ու ռազմական գործողությունների պայմանավորվածությունների իրականացումը:
Ռուս-թուրքական մոնիտորինգի կենտրոնի շուրջ բանակցություններն, ինչպես երևում է, դեռ շարունակվում են: Ռուսները փորձում են մինչ այդ կենտրոնի գործունեությունը՝ արագ դիրքավորվել ու կայունություն հաստատել:

Ռուսաստանը և Թուրքիան շարունակում են կառուցել մոնիտորինգային միացյալ կենտրոնը, որտեղից երկու երկրների զինվորականները պետք է հսկեն Լեռնային Ղարաբաղում նոյեմբերի 9-ի համաձայնությամբ հայտարարված հրադադարը պահպանումը: Անկարայից ստացված հաղորդագրության համաձայն, այդ մասին հայտնել է Թուրքիայի պաշտպանության նախարարությունը: «Ռուսաստանի և Թուրքիայի կնքած համաձայնագրով քայլեր են արվում հրադադարի մոնիտորինգի կենտրոնի աշխատանքը հնարավորինս արագ սկսելու համար, այդ գործողությունները համակարգվում են Ռուսաստանի և Ադրբեջանի հետ», - ասվում է հաղորդագրությունում: Թուրքիայի պաշտպանության նախարար Հուլուսի Աքարը նոյեմբերին ասել է, որ «միացյալ կենտրոնն առաջիկայում կսկսի աշխատել, և ռուս ու թուրք զինվորականները կսկսեն կատարել իրենց պարտականությունները»:

Օրերս թուրքական NTV հեռուստաընկերության հարցազրույցում Թուրքիայի պաշտպանության նախարար Հուլուսի Աքարըն ասել է. «Մեր պատվիրակությունը գտնվում է Ադրբեջանում։ Լեռնային Ղարաբաղում հրադադարի ռեժիմի մոնիթորինգի ռուս-թուրքական համատեղ կենտրոնի կառուցումից հետո մեր պատվիրակությունը կսկսի այնտեղ աշխատել», - ԱՊԱ գործակալության փոխանցմամբ՝ «30-60 մեր ներկայացուցիչները միասին աշխատելով ռուսների հետ անհրաժեշտ ամեն ինչ կանեն Լեռնային Ղարաբաղում կրակի դադարեցման մշտական ռեժիմ ապահովելու համար», - ասել է Հուլուսի Աքարը։ Նա նշել, որ համատեղ կենտրոնում Թուրքիայից և Ռուսաստանից մեկական գեներալ է լինելու։

Ավելին՝ այստեղ