Գորբաչևն ասել է, թե ինչպես պետք է լուծել Ղարաբաղյան հակամարտությունը

ԽՍՀՄ նակխին նախագահ Միխայիլ Գորբաչևը հույս ունի, որ Ռուսաստանը կօգնի Ղարաբաղյան հակամարտության կարգավորմանը՝ միևնույն ժամանակ նշելով, որ այս հարցում առաջատարի դերը մնում է Հայաստանին ու Ադրբեջանին. Պետք է լուծումը համապատասխանի երկու կողմերի շահերին, չպետք է լինեն հաղթողներ ու պարտվողներ: Այս մասին գրում է ՌԻԱ Նովոստին:

«Ինչ վերաբերում է Ղարաբաղին, ապա այն շատ ծանր հարց է, հին, որի արմատները գնում են անցյալ: Երբ այն սրվեց, մենք փորձեցինք օգնել երկու հանրապետոթյուններին, երկու ժողովուրդներին, որպեսզի գտնեն լուծումը: Դրանից հետո փորձեց նաև Ռուսաստանը»,-ասել է նախկին պաշտոնյան ՌԻԱ Նովոստիի հետ զրույցում:

Գորբաչևի խոսքերով, հիմա, երբ մարտական գործողությունները դադարեցվել են, պետք է կանգ չառնել, չպետք է թույլ տալ, որ խնդիրը չլուծված մնա ևս մի քանի տասնամյակ:

«Հույս ունեմ, որ Ռուսաստանը կկարողանա օգնել, սակայն գլխավոր դերակատարներն հակամարտության կողմերն են: Հայաստանն ու Ադրբեջանը պետք է պարտավորություն ստանձնեն անցկացնել բանակցություններ հակամարտության կարգավորման համար:

Լուծումը պետք է բխի երկու կողմերի շահերից, չպետք է լինեն հաղթողներ ու պարտվողներ»,-ասել է նա:

Ավելին՝ այստեղ