Էներգետիկ ոլորտի նոր տեսլականները

Նարեկ Սարգսանը ֆեյսբուքյան իր էջում գրում է .

Գաղտնիք չէ, որ էներգետիկ ոլորտի կայունությունը ռազմավարական նշանակություն ունի ՀՀ-ի համար, ուստի շատ կարևոր է ձեռք առնել դրա զարգացման համար անհրաժեշտ միջոցներ: Այսօր տեղի ունեցած գործադիրի նիստում հաստատվել է «ՀՀ էներգետիկ համակարգի երկարաժամկետ զարգացման ուղիները» ծրագիրը: ՀՀ էներգետիկայի և բնական պաշարների նախարարի խոսքով հաշվի առնելով 2013­-2014թթ. ընթացքում վառելիքաէներգետիկ շուկայում և էներգետիկ համակարգում կիրառվող տեխնոլոգիաների ոլորտում արձանագրված զարգացումները, ինչպես նաև տարածաշրջանային ինտեգրման խորացման և ընդլայնման նկատվող միտումներն ու Իրանի, ՌԴ-­ի և այլ երկրների հետ բանակցությունների արդյունքները, անհրաժեշտություն է առաջացել նախանշել և մեկտեղել երկարաժամկետ հեռանկարում (մինչև 2036թ.) էներգետիկայի
բնագավառում ռազմավարական նշանակություն ունեցող նախագծերը, որի նպատակով մշակվել է սույն ծրագիրը:

Վերը նշված ծրագրի նպատակն է ստեղծել ՀՀ էներգետիկ համակարգի երկարաժամկետ` մինչև 2036թ. զարգացման տեսլականը, որը նպատակաուղղված կլինի ապահովելու Հայաստանի Հանրապետության էներգետիկ անվտանգությունը:

Հատկանշական է, որ փաստաթուղթը ներառում է Հայաստանի ընդհանուր վառելիքաէներգետիկ համալիրի նվազագույն ծախսերով և ժամանակակից տեխնոլոգիաներով համալրված հեռանկարային զարգացումներն ինչպես էներգիայի արտադրության, այնպես էլ էներգետիկ համակարգի ենթակառուցվածքային ծրագրերի իրականացման մասով, ինչի շնորհիվ էլ հնարավոր կլինի ապահովել ամբողջ էներգահամակարգի երկարաժամկետ զարգացումը:

Հարկ է նշել, որ փաստաթղթի մշակման անհրաժեշտությունը հիմնավորված է նաև նրանով, որ նոր ատոմային բլոկի շահագործման հանձնելու գործընթացը տևում է առնվազն 10 տարի և համապատասխան որոշում կայացնելու համար կառավարությանը հարկավոր է ունենալ երկրի վառելիքաէներգետիկ համալիրի երկարաժամկետ զարգացումների և ռիսկերի տեսլականը:

Հարցի քննարկման ավարտին վարչապետը նշել է, որ այս ծրագիրը շատ կարևոր է, քանի որ այս ոլորտը մեր երկրի
տնտեսության ողմնաշարն է: