Ռուսաստանին հերթական անգամ ցույց են տալիս, որ չեն պատրաստվում պաշտպանել իր շահերը
Վերլուծություն
Obzor.io-ն գրում է, որ Լեռնային Ղարաբաղի վերականգնմամբ կզբաղվի թուրքական և ադրբեջանական բիզնեսը. այդ ընտրությունն արել է Բաքվի նախարարների կաբինետը: Նույնիսկ շինարարության մրցույթներն են անց կացվելու ըստ թուրքական մոդելի, երբ պատվիրատուն է նշում բազային գինը: Այդ առիթով քաղաքական վերլուծաբան Անտոն Չաբլինը նշել է, որ Լեռնային Ղարաբաղում խոշոր շինարարական պայմանագրերի կնքման միջոցով Թուրքիայի ակտիվացումը ցույց է տալիս Ադրբեջանի աշխարհաքաղաքական ընտրությունը, ինչը պարզ է, որ ձեռնտու չէ Ռուսաստանին։
Պաշտոնական Ադրբեջանի հայտարարությունն, ի դեմս շինարարության նախարար Ֆեյրուզ Մուստաֆաևի, այն մասին, որ թուրքական ընկերությունները առաջնահերթություն կունենան հետպատերազմյան Ղարաբաղի վերականգնման հարցում, միանգամայն սպասելի էր: Պաշտոնական Բաքուն դա բացատրում է նրանով, որ թուրք շինարարներն ունեն անհրաժեշտ փորձ: Նույնիսկ դատելով բաց տվյալներից` վերջին կես դարի ընթացքում թուրքական ինժեներական ընկերությունները իրականացրել են շուրջ 400 միլիոն դոլլարի միջազգային նախագծեր:
Այնուամենայնիվ նշենք, որ Ղարաբաղում շինարարությունների հարցով հետաքրքրություն են ցուցաբերել ինչպես Ռուսաստանը, այնպես էլ Իրանը, որոնք ևս ունեն պահանջվող փորձ: Բայց Ադրբեջանը, այնուամենայնիվ ընտրություն է կատարել ի օգուտ Թուրքիայի: Եզրակացությունը պարզ է. և՛ Բաքվի, և՛ Անկարայի համար Ղարաբաղում աշխատանքը ոչ թե տնտեսական նախագիծ է, այլ ավելի շատ աշխարհաքաղաքական խնդիր: Եվ Ռուսաստանին պարզապես մեկ անգամ ևս ցույց են տալիս, որ նրանք մտադիր չեն դիտարկել նրա շահերը ներկայիս ստեղծված իրավիճակում:
Արմինե Սայադյան
1
2
3
4
5
1
2
3
4
5
1
2
3
4
5
