Առաջիկա ամիսներին ունենալու ենք կոլապս
Վստահաբար կարող ենք փաստել, որ բոլորս հիշում ենք, երբ 1-2 տարի առաջ «թավշյա» հեղափոխության ջերմեռանդ աջակից տարեց կինը իր տուն այցելած Նիկոլ Փաշինյանին ասաց հետևյալը․ «Թեկուզ հացը 1000 դրամ դառնա, կարևորը, որ մեր վարչապետը Նիկոլն է»։ Այսօր կարող եք արձանագրել, որ «հպարտ» քաղաքացու «երազանքը» իրականացման ճանապարհին է։ Հացի, ինչպես և առաջին անհրաժեշտության այլ սննդամթերքների՝ ալյուր, կարագ, ձեթ, շաքարավազ, ձու, թռչնամիս և այլ ապրանքների գներն, իսկապես որ, աննախադեպ բարձրացել են։
Այն փաստը, որ ՀՀ տնտեսական վիճակն օրըստօրե անկում է ապրում` ականտես է լինում հասարակ քաղաքացին, սակայն ոլորտային մասնագետներն այս առումով շատ ավելի խորքային ու փաստարկված վերլուծույթուններ են ներկայացնում։ Նախօրեին «Փաստ» թերթի հետ զրույցում «Աուդիտորների պալատի» նախագահ Նաիրի Սարգսյանն ասել է․ «2021թ.-ի տնտեսական կանխատեսումները բացասական են, իսկ այդպիսի կանխատեսումների պատճառները՝ շատ։ Անշուշտ, տնտեսական անկման հետևանքները անմիջապես իրենց ազդեցությունն են թողնելու պետբյուջեի եկամուտների վրա։ Եկեք հաշվի առնենք, որ պետբյուջեի հիմնական եկամուտները՝ մոտ 95 %-ը, կազմում են հարկերից հավաքագրվող գումարները, որի մեջ ԱԱՀ-ի տեսակարար կշիռը կազմում է մոտավորապես 40 %, շահութահարկի գծով՝ մոտ 7 %, եկամտային հարկի մասով՝ մոտ 28 %, ակցիզային հարկի մասով՝ մոտ 11 %, և այլն»։
Ըստ էության կարող ենք ընդգծել, որ եթե հաշվի առնենք այն հանգմանքը, որ մարդկանց տնօրինվող եկամուտները էականորեն կրճատվել են, որոնք գոյանում էին հիմնականում աշխատավարձից, տուրիզմի ոլորտում ներգրավվածությունից, տրանսվերտներից, ապա միանշանակ է, որ բնակչության տնօրինվող եկամուտների կրճատումը հանգեցնելու է սպառման ծավալների էական կրճատման, ինչն իր հերթին հանգեցնելու է պետբյուջե մուտքագրվող ԱԱՀ-ի էական կրճատվելուն։ Իր խոսքում Սարգսյանն ընդգծել է․ «2021 թվականի բյուջեն կազմվել է հարկաբյուջետային կանոնների լուրջ խախտումներով՝ բյուջեի դեֆիցիտը գերազանցում է կապիտալ ծախսերը, ինչը նույնն է, թե ընտանիքում ամեն օր պարտք ներգրավենք և այդ գումարով ապրենք: Հարկավոր է անպայման բյուջեում փոփոխություն անել, կապիտալ ծախսերն ավելացնել և արտահանմանը միտված ճյուղերին ուղիղ աջակցություն ցուցաբերել: Սրանք այն կարևորագույն և հրատապ քայլերն են, որոնք չիրականացնելու դեպքում ապրիլից կունենանք թոշակների, աշխատավարձերի, նպաստների ուշացումներ՝ դրանից բխող բացասական հետևանքներով»:
Ամփոփելով՝ նշենք հետևյալը, երբ խոսք է գնում սով լինելու և ապրանքների գումար չլինելու մասին, նկատի է առնվում այն, որ սննդամթերքի և հատկապես հացահատիկի գների կտրուկ թանկացման պատճառով շատերը պարզապես չեն կարողանա հաց և մյուս ապրանքները գնել՝ մատնվելով սովի։ Չնայած Նիկոլ Փաշինյանի կառավարության անդամներին դա առանձնապես չի հուզում՝ սեփական պարգևավճարները նրանք ստանում են անկախ համաճարակից, պատերազմից և անկախ սովից՝ նույնպես կստանան։
Աննա Սարդարյան
1
2
3
4
5
1
2
3
4
5
1
2
5
