Կյանքին շատ լուրջ մի' վերաբերվեք: Երջանիկ կյանքի կանոններ` 100-ամյա մարդկանցից

Life 11 Դեկտեմբեր, 2015 16:44

Tert.am-ը գրում է .

Իմաստությունը տարիների հետ է գալիս» տարածված ասացվածքը շատ իրավացի է: Համենայն դեպս այդ են վկայում 100 տարի ապրած մարդկանց կողմից տված խորհուրդներն ու նրանց արտահայտած մտքերը` երջանիկ ապրելու վերաբերյալ:

AdMe.Ru կայքն ուշագրավ անդրադարձ է կատարել աշխարհի տարբեր անկյուններում բնակվող երկարակյացներին` փորձելով պարզել երկար և երջանիկ կյանքի գաղտնիքները:

Երբեք մի' հանձնվեք: Ձեր կյանքում միշտ էլ դժվար պահեր կլինեն, բայց մի' հանձնվեք: Երբե'ք:

Ազնի'վ եղեք շրջապատի հետ, այդ դեպքում մարդիկ էլ ազնիվ կլինեն Ձեր նկատմամբ: Սուտը շատ ծանր բեռ է, և ոչ ոքի հարկավոր չէ դրա պատճառով առաջացած ավելորդ սթրեսը:

Ավելի շատ լսեք, քան թե խոսեք: Դուք ավելի շատ բան կսովորեք ուրիշներին լսելով, քան` Ձեր իմացածը պատմելով:

Ցերեկվա ընթացքում ժամանակ գտեք մի քիչ քնելու համար:

Հումորն իր մեջ կենսական մեծ ուժ է պարունակում: Այն կյանքի դժվարությունները հաղթահարելու լավագույն տարբերակն է:

Կյանքին պետք է կրքով ու հետաքրքրասիրությամբ մոտենալ: Անընդհատ եղե'ք նոր գիտելիքների, զգացողությունների ու ծանոթությունների փնտրտուքի մեջ:

Ցավն անխուսափելի է, բայց ուրախությունը դրա մասին մոռանալու լավագույն միջոցն է:

Լավատեսության շնորհիվ կարելի է շատ բաների միջով անցնել: Բացի այդ մի' մոռացեք ճիշտ սնվելու, ֆիզկական ակտիվության մասին, ինչպես նաև հաճախակի մաքուր օդի դուրս եկեք:

Քանի դեռ երիտասարդ եք` ճամփորդե'ք: Մի' մտահոգվեք գումարի մասին. ստացած տպավորություններն ու կենսափորձն ավելի գնահատելի են, քան փողը:

Փոփոխություններից չենք կարող փախչել, ուստի սովորեք ընդունել դրանք:

Մի օր Դուք կհասկանաք, որ չափից ավելի շատ ժամանակ եք վատնել փուչ բաների մասին անհանգստանալով:

Ձեր հոգու մեջ որոշեք, թե ինչին եք հավատում և մինչև կյանքի վերջ հետևեք դրան:

Կյանքին շատ լուրջ մի' վերաբերվեք: