«Թուրքիան պատրաստ է հակամարտության խարույկ վառել Ղարաբաղում». փորձագետ
Վերլուծություն
Ytro.ru-ն գրում է, որ այս տարի Լեռնային Ղարաբաղի հակամարտությունը կարող է նոր թափով բորբոքվել` կապված այն բանի հետ, որ տարածաշրջանի կարգավիճակը վերջնականապես հաստատված չէ, և Ադրբեջանը, և Հայաստանը դժգոհ են աշնանային պատերազմի արդյունքներից: Այդ կանխատեսումն է արել սյունակագիր Մաքսիմ Յուսինը PolitWera համացանցային ալիքի եթերում: Նրա կարծիքով, Անկարան կարող է կրակին յուղ լցնել և Բաքվին սադրել նոր ռազմական գործողությունների: Միևնույն ժամանակ, ներկայումս իրավիճակը տարածաշրջանում նորմալ է, բայց կա զգացողություն, որ 2021 թվականին այնտեղ «լուրջ մարտահրավերներ» են ակընկալվում:
«Հայ հասարակությունը զգում է, որ իրենք պարտություն են կրել, բայց չի կարողանում համակերպվել դրան, և ինչ որ կերպ իրավիճակը պետք է շտկել: Ադրբեջանցիները զգում են, որ վերջին պահին, երբ արդեն հերթը հասել էր Ստեփանակերտին, իրենցից հաղթանակ են գողացել», - մեջբերել է լրագրողին «PolitNavigator»- ը: Յուսինի կարծիքով, եթե Բաքուն վերցներ ԼՂՀ-ի մայրաքաղաքը, ապա չճանաչված հանրապետության կարգավիճակի հետ կապված խնդիրը կվերանար, իսկ այնտեղ ռուս խաղաղապահների հայտնվելուց հետո այդ հարցը մնացել է բաց: Եվ այդ ֆոնին պարզ չէ, թե ինչպես կարող է իրեն պահել Թուրքիան, որը ակտիվ մասնակցել էր Հայաստանի և Ադրբեջանի աշնանային առճակատմանը: «Փորձելով ադրբեջանցիներին ինչ-որ բռնի գործողությունների հրահրել` արդյո՞ք նա այնտեղ չի դառնա մեծ խարույկ բորբոքող: Չգիտեմ, ընդհանուր առմամբ, առջևում շատ դժվար խաղ է»,- ամփոփել է Յուսինը:
Անի Սիմոնյան
1
2
3
4
5
1
2
4
5
1
2
3
4
5
