Անցնող շաբաթ բանկերը գնել են 96.2 մլն դոլար, վաճառել` 95.3 մլն դոլար

Արտարժույթի Հայաստանի ներբանկային շուկայում դեկտեմբերի 7-11-ը բանկերի կողմից գնվել է 96 մլն 212 962 ԱՄՆ դոլար` 483,73 դրամ մեկ դոլարի դիմաց միջին փոխարժեքով, եւ վաճառվել` 95 մլն 287 հազար 938 դոլար` 485,61 դրամ մեկ դոլարի դիմաց միջին փոխարժեքով:

Ինչպես «Արմենպրես»-ին տեղեկացրին ՀՀ կենտրոնական բանկի հասարակայնության հետ կապերի ծառայությունից, միջբանկային շուկայում իրականացվել է 16.5 մլն դոլարի առք եւ վաճառք` 485,11 դրամ մեկ դոլարի դիմաց միջին փոխարժեքով:

«ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ-ում նշված ժամանակահատվածում իրականացվել է 1.1 մլն դոլարի առք եւ վաճառք` 485,65 դրամ մեկ ԱՄՆ դոլարի դիմաց միջին փոխարժեքով:

Արտարժույթի ներբանկային շուկայում բանկերի կողմից գնվել է 6 մլն 318 հազար 176 եվրո` 524,63 դրամ մեկ եվրոյի դիմաց միջին փոխարժեքով, եւ վաճառվել` 10 մլն 608 հազար 754 եվրո` 529,73 դրամ մեկ եվրոյի դիմաց միջին փոխարժեքով: Միջբանկային շուկայում եվրոյով առք եւ վաճառք չի իրականացվել: «ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ-ում նշված ժամանակահատվածում եվրոյով գործարք չի իրականացվել:

Արտարժույթի ներբանկային շուկայում բանկերի կողմից գնվել է 870 մլն 570 հազար 492 ՌԴ ռուբլի` 6,97 դրամ մեկ ռուբլու դիմաց միջին փոխարժեքով, եւ վաճառվել` 415 մլն 416 հազար 142 ռուբլի` 7,09 դրամ մեկ ռուբլու դիմաց միջին փոխարժեքով:  Միջբանկային շուկայում ռուբլիով առք եւ վաճառք չի իրականացվել:

Նոյեմբերի 30-ից դեկտեմբերի 6-ը բանկերի կողմից դրամով տեղաբաշխված միջոցների ծավալը կազմել է 49.9 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 65.8 մլն դոլար: