Հանրությունը մտահոգվելու հիմքեր չունի
Ուշադրության կենտրոնում
«Իմ քայլը» խմբակցությունը վարչապետի հետ հանդիպումից հետո հայտարարություն տարածվեց, որ արտահերթ ընտրություններ անցկացնելու պահանջ չկա հասարակության մոտ և այդ պատճառով այս պահին նրանք այդ հարցը չեն քննարկի։ Այս թեմայով pressmedia.am կայքը զրուցել է քաղաքագետ Ռուբեն Մեհրաբյանի հետ` հասկանալու համար, թե այս հայտարարությամբ իշխանությունը ինչ ուղերձ էր հղում։
— Պարոն Մեհրաբյան, իշխանությունը հայտարարեց, որ այս փուլում արտահերթ ընտրությունների պահանջ չկա հասարակության մոտ։ Ի՞նչ ուղերձ է պարունակում իշխանության այս քայլը։
— Իմ տպավորությամբ դա դեմարշ էր` ուղղված ընդդիմության այն հատվածին, որ մինչ այդ արտահերթ ընտրությունների գաղափարի շուրջ տարված էր տարբեր տեսակի մանիպուլիացիաներով, այսինքն հետևյալն էր ուղերձը, որ չեք ուզում` չենք անի։ Որից հետո մենք տեսանք, որ ընդդիմությունը սկսեց խոսեց այն մասին, որ գիտեք ինչ այնպես չի, որ մենք դեմ էինք արտահերթ ընտրություններին, մենք ունեինք ինչ որ պայմաններ, որը իշխանությունը չէր կատարում։ Եվ, այնուամենայնիվ, չեմ կարծում, որ հարցը վերջնականապես լուծված է և փակված։
— Առհասարակ, մտահոգիչ չե՞ք համարում, որ հիմնականում նախկին գործիչներն են հայտարարում արտահերթ ընտրություններին մասնակցելու մասին՝ Սեյրան Օհանյան, Քոչարյան և այլն: Քոչարյանն էլ հայտարարում է մեծ քաղաքականություն վերադառնալու մասին։
— Ես չեմ կարծում, որ ձեր նշած անձիք այն անձիք են, որ կարող են էական կամ վճռորոշ ազդեցություն ունենալ Հայաստանում քաղաքական գործընթացների վրա։ Եվ Հայաստանի հանրությունը մտահոգվելու բան ունենալու հիմքեր չունի։
— Ինչպե՞ս եք գնահատում կադրային վերջին նշանակումները։ Արդյոք կառավարող ուժը սրանով չի՞ փաստում, որ կադրերի լուրջ խնդիր ունի։
—Ես սա համարում եմ ռոտացիայի բնականոն ընթացք, որովհետև այդ նախարարներից ոմանք էլ նշանակվեցին խորհրդականներ, ոմանք նշանակվեցին աշխատակազմի ղեկավարներ։ Ես սա համարում եմ ռոտացիոն բնականոն ընթացք և կարծում եմ, որ իշխանությունն ինքն է որոշում, թե ինքը ում հետ է աշխատում և ում որտեղ է նշանակում այն մանդատի ժամանակաշրջանում, որը նրան տրված է։
Անդրանիկ Սիմոնյան
1
2
3
4
5
2
3
4
5
1
2
3
4
5
