Որևէ մեկը Աստծուց մանդատ չի ստացել, չեն կարողանում աշխատել՝ թող հեռանան
Ուշադրության կենտրոնում
Հայաստան-ԵՄ համապարփակ և ընդլայնված համաձայնագիր են վավերացրել։ Այդ համաձայնագրի հնարավորությունների և կառավարության կողմից կատարվող աշխատանքների մասին pressmedia.am կայքը զրուցել է քաղաքագետ Հայկ Սուքիասյանի հետ։
— Հայաստան-ԵՄ համապարփակ և ընդլայնված համաձայնագիրը վավերացվեց։ Հայաստանն ի՞նչ կարող է ստանալ պատերազմից հետո ստեղծված իրավիճակում, հատկապես, որ համաձայնագրում Արցախի հարցի լուծման հետ կապված ամրագրումներ կան։
— Եթե հենց համաձայնագիրը դիտարկենք, դա լավ է այն առումով, որ Հայաստանի համար նոր հնարավորություններ են բացվում իր արտաքին քաղաքականության մեջ բալանսի որոնման համար, որը նաև Ասիական, Արևելյան, Ռուսական գերիշխանության բևեռը քիչ թե շատ հավասարակշռելու է Արևմուտքի հետ։ Այդ իմաստով շատ կարևոր է։ Իհարկե, կարևոր է նաև տնտեսական, մշակութային առումով, բայց, առաջին հերթին, կարևոր է քաղաքական, ստրատեգիական կողմից։ Դե իհարկե, շատ չչափազանցնենք, որովհետև ԵՄ-ն առանձին բևեռ դիտարկելը մի քիչ դժվար է, բայց դա Հայաստանին տալիս է որոշակի մանևրի հնարավորություն և այդ իմաստով շատ լավ է։ Իսկ Արցախի հարցի լուծման հետ կապված չեմ կարող ասել, տեղյակ չեմ, թե ինչ է գրված։ Ընդհանուր առմամբ, կարող ենք ասել, որ դրական տեղաշարժ է մեր արտաքին քաղաքականության համար։
— Հայաստանի իշխանությունը, բնականաբար, այդ համաձայնագրի իրականացման համար մեծ անելիքներ ունի։ Ըստ ձեզ, այս պահին իշխանությունները որքանո՞վ են պատրաստ այդ գործողություններին։
— Տպավորություն է ստեղծվել, որ այս իշխանությունը գոնե արևմտյան հռետորաբանությամբ, արևմտյան արժեհամակարգի մարդիկ են և ենթադրելի է, որ պետք է լավ աշխատեն։ Ես պնդում եմ, որ մեր իշխանությունները, պետք է բոլոր բևեռների հետ լավ աշխատեն, բոլոր՝ Չինաստանի, Հնդկաստանի, Արևմուտքի։ Այս պահին Հայաստանը մի բևեռից է կախված, ինչը շատ վտանգավոր է։ Մի բևեռից, որը բարեկամներին գցել գիտի, մերձավորների հաշվին քաղաքականություն վարել գիտի, և եթե մեր իշխանությունները ունեն բավարար խելք, պետական շահի գիտակցում, ապա իրենք կարող են, թե չեն կարող, դա իրենց խնդիրն է, գիշեր-ցերեկ իրենք պարտավոր են աշխատել արտաքին քաղաքականությունը բալանսի բերելու համար։ Կարող են, թե չեն կարող․․․չեն կարող թող գնան, որևէ մեկը Աստծուց մանդատ չի ստացել, որ ինքը պետք է հավերժ մնա Հայաստանի քաղաքական ղեկավար։ Չեն կարող աշխատել, թող գնան և ուրիշներին հնարավորություն տան աշխատելու։ Քանի որ պատերազմը այս իշխանությունների օրոք է եղել, ես ենթադրում եմ, որ իրենք են տիրապետում ամբողջ գործընթացին և ճիշտ կլինի, որ իշխանությունը կամ խելքը գլուխը հավաքի և սկսի լավ աշխատել բոլոր ուղղություններով , կամ, եթե չեն աշխատում, ապա պետք է թողնեն, որ ուրիշը աշխատի։
Սուրեն Սահակյան
1
2
3
4
5
1
2
3
4
5
1
2
3
4
5
