Արցախը ուշքի է եկել
Pravda.ru-ն գրում է, որ պատերազմում կրած պարտությունից հետո չճանաչված Լեռնային Ղարաբաղի Հանրապետությունը (Արցախը) շարունակում է փաստացի գոյություն ունենալ: Այսպիսով, նրա նախագահ Արայիկ Հարությունյանը օրենք է ստորագրել ռուսաց լեզուն որպես պաշտոնական լեզու ճանաչելու մասին: Նշվում է, որ փոփոխությունների նախագծի համաձայն «Լեզվի մասին» օրենքում գրական հայերենը և ռուսերենն են ճանաչվում որպես ԼՂՀ պաշտոնական լեզուներ: Օրենքը պարտադիր է պետական փաստաթղթաշրջանառության համար։ «Լեռնային Ղարաբաղի Հանրապետությունը խրախուսում է հայ-ռուսական հրատարակությունների, մամուլի հրապարակումների, ինչպես նաև հայ-ռուսական դասագրքերի, տեղեկատուների, գիտամեթոդական և գիտահանրամատչելի գրականության ստեղծումը», - ասված է օրինագծում:
Ադրբեջանցի քաղաքագետ Տոֆիկ Աբբասովը Pravda.Ru-ի հետ հարցարույցում նշել է, որ դա ոչ լեգիտիմ կառույցների գործունեություն է, և եթե իրերն անվանենք իրենց անուններով, ապա դրանք «հայ անջատողականներն են, որոնք աջակցվում են են Հայաստանի և Ֆրանսիայի որոշ ուժերի կողմից»: Քաղաքագետի խոսքով ՝ ռազմական գործողությունները ցույց են տվել, որ այն դաշտային հրամանատարները, որոնք «հավակնել են դառնալ պաշտպանության, ինքնակառավարման նախարարներ և այլն, ամբողջովին բարոյալքվել են, նրանց բոլոր կառույցները փլվել են թղթե տնակի նման»: «Ադրբեջանը գործնականում վերականգնել է իր տարածքային ամբողջականությունը, այժմ տարածաշրջանում, որը անվանում են վիճահարույց, կան ռուս խաղաղապահներ, որոնք սերտ կապի մեջ են Ադրբեջանի իշխանությունների հետ», - շեշտել է քաղաքագետը: Ըստ նրա, Ադրբեջանը չի ժխտում հայկական փոքրամասնության առկայությունն իր տարածքում, որոնք այն մարդկանց հետնորդներն են, որոնք 1826-1828 թվականների ռուս-պարսկական պատերազմից հետո են վերաբնակեցվել ներկայիս Ադրբեջանի տարածք, որտեղ ապրել են տեղի մահմեդական թուրքերը: Ուստի, ըստ Թոֆիգ Աբբասովի, Ադրբեջանը պատրաստ է լուծել այդ տարածքի մարդասիրական խնդիրները և իր ջանքերն ուղղում է նրան, որ «Հայաստանի Հանրապետության հետ հաշտեցում լինի»:
«Քաղաքական հակումների, ինքնորոշման հետ կապված ցանկացած գործողության մասին խոսք լինել չի կարող, քանի որ Ադրբեջանը, փաստացի, իր նախագահի բերանով հայտարարել է, որ կարգավիճակի հարց չկա, չի եղել և չի լինելու, Ադրբեջանում չկա հայկական երկրորդ հանրապետություն, չեն լինի նաև տարածքներ», - ասել է Թոֆիկ Աբբասովը: Ռուսաստանը, Հայաստանը և Ադրբեջանը անցյալ տարվա նոյեմբերի 9-ին համատեղ հայտարարություն են ընդունել Լեռնային Ղարաբաղում հրադադարի մասին: Ռուս խաղաղապահները տարածաշրջան են մտել հինգ տարի ժամկետով: Նախագահ Իլհամ Ալիևը հայտարարել է, որ «ղարաբաղյան հակամարտությունը լուծվել է» Ադրբեջանի հաղթանակով: Ավելի ուշ Հայաստանի արտգործնախարար Արա Այվազյանը մեղադրել է Ադրբեջանի նախագահին Լեռնային Ղարաբաղում հրադադարի մասին համաձայնագիրը չհասկանալու մեջ: Այվազյանը կարծում է, որ հակամարտությունը կարգավորված կհամարվի միայն այն բանից հետո, երբ Ղարաբաղի ժողովրդի ինքնորոշման իրավունքը «կճանաչվի միջազգային հանրության կողմից»:
Ռուսաստանի նախագահ Վլադիմիր Պուտինը կարծում է, որ Ղարաբաղի կարգավիճակը պետք է մնա անփոփոխ և որոշվի ապագայում: «Մենք միշտ, երկար տարիներ, և այժմ կրկնում եմ մեր դիրքորոշումը ելնելով նրանից, որ Ադրբեջանին պետք է վերադարձվի Լեռնային Ղարաբաղին հարակից յոթ շրջանները», - ասել է նա: «Լեռնային Ղարաբաղի կարգավիճակն պետք է մնա անփոփոխ, այսինքն այն պետք է հետաձգվի ապագա, պետք է ֆիքսվի ստատուս քվոն Լեռնային Ղարաբաղում, բայց Լեռնային Ղարաբաղի և Հայաստանի միջև կապի հնարավորության պարտադիր ստեղծմամբ , որի համար պետք է ստեղծվի, այսպես կոչված, Լաչինի միջանցքը, այսինքն կապի միջանցք Հայաստանի և Լեռնային Ղարաբաղի միջև», - հավելել է նախագահը:
Ավելի վաղ Pravda.Ru- ի մեկնաբանության մեջ արևելագետ Ստանիսլավ Տարասովը նշել էր, որ Ալիևը չի գնացել Ստեփանակերտի գրավմանը` վախենալով համաշխարհային հանրության արձագանքից, քանի որ ՄԱԿ-ի բոլոր բանաձևերն ասում են, որ Լեռնային Ղարաբաղի կարգավիճակի հարցը պետք է փախստականների վերադարձից հետո լուծվի նրա բնակիչների հանրաքվեի արդյունքում:
Աննա Սիմոնյան
1
2
3
4
5
3
2
3
4
5
